Ut Motto vur 't seizoen 2018 - 2019 is:  
''Sjitterend

   

2005 Danny de irste (wijnands)

14 jannuwarie 2006 00:00:00
Vandaag dan mien litste offisjeele optreeje as prins van de Brookhaze. Der kumt ein einde aan un super joar van Carnaval wat ich hiel intens heb mitgemak. Ich heb genote ierlik woar. Mer wat bazelik nou, ut is net alsof ut al aafgelaupe is. Ich kin zondig altied nog sentimenteel goan doon. Vanoavend waas ut nog tied um te goan fieste en ut belangriekste natuurlik. Os eige Hampelemen steune. Mer beej die is det eigelik neet nuudig. Die heije toch ein keigood nummer. De organisatie van de Kemphaze waas ontzettend good (bijnoa net zoe good wie veurig joar door de Brookhaze), dus det waas al ein veurdeil. Noa iers ein paar nummers gehuurt te hebbe van angere dorper waas ut dan zoe wiet: Kunningslus waas aan de beurt. Alles wat zich ein bietje mit Kunningslus verbonge veulde dromde noar veure noar ut podium. Noa ein iets te vreuge opkomst (doa zuusse mer wer wie ambitieus die zien) Volgde der ein spetterend optreeje van os eige HAMPELEMEN. De ganse zaal ging oppe kop. Noa ut optreeje huurde ik her en der det Kunningslus ein goije kans makte op ein top deij positie en missjien wel de euverwinning (mer det wis ich al lang). Noa nog good gefies te hebbe waas ut tied veur de priesoetrieking. De presentatie pries ging noar Boalder. Toen waas ut tied um ut Lindebuimke oeht te reike. Kessel Eik waas derde. En toen werd de naam van Kunningslus genuumt, Wea waare twidde. De Hampelemen heije un twidde pries behalt. Zoe zoe later blieke mit twië punte achter Helje Dorp. Det is zeker ein prestatie van wereldformaat. (veur zoen klein dorpke). Manne van Herte prefisiat Noa de pries oehtreiking waas ut tied veur ein optreeje van Ben Verdelle. Auch deze groete zaal kreeg hea oppe kop. Wea hebbe nog eine hiele tied door gefies, me rum ein oor waas ut tied um noar de Grom te goan. Doa hebbe wea nog ein pilskes gepakt en auch deze oavend waas wear verbeej. "Mèt de vastelaovend gaon de Brookhaze op vleugels, dus laot gaon die teugels!"
13 november 2005 00:00:00
Op deze sjoene zonnigmiddig heije wea de Kuningsluster Liedjesmiddig. Det waas van ut begin aaf aan ein schitterend succes (Det zeg ich nau wel maar ich kwaam pas beej de twidde ronde binne). Toen wea binnen kwame ware ze inderdaad al toe aan de twidde ronde. Gelukkig heb ich alle leedjes eine kier gehuurt, Zoedet ich mich auch ein dudelikke meining kos vorme. Maar as prins vingse alle numers die oeth dien eige durp kome toch sjoen. Dus det makt niks oet. En ich vong auch alle nummers leuk al waas ut ellein mer umdet ilk nummer door bekinde minse gezonge werd. Toen het einmoal tied waas veur de priesoethreiking, waas der genog luidruchtige konkurrentie in de zaal (he Faxclub). De spanning werd um te snieje mer oetheindelik kwame toch de Hampelemen as winnaar oeth de bus mit het leedje: te sjoen um woar te zien. Un Meijels Kunningsluster kombinasie mer toch volledig Kunningslus. Dees 2 twieje hampelemen moge os beej ut p&m liedjesfestival goan vertegewoordige. Manne succes. Doarnoa werd er nog flink gedanst en is het tot hiel laat onrustig gebleve. "Mèt de vastelaovend gaon de Brookhaze op vleugels, dus laot gaon die teugels!"
11 november 2005 00:00:00
Vandaag op de ellefde van de ellefde begon veur os ut carnavalsseizoen auch echt. Wae moogde vandaag nao ein heus jubileum. De Brookhaeskes bestonge namelik 3 x 11 joar en det is beej ein 33 joar dus ein jubileum. Wea toge al vreug noar de zaal Thijsse woar de resepsie gehoije woort. Noa de neudige hendjes geschud te hebbe en ein aantal wuppies gekrege te hebbe waas ut tied veur ein gezellig same zien onger ut genot van ein drenkske en muziek van DJ Antonio. Noa det veurzitter van de OJB Gerard Rongen un bedankweurdje heij oetgesproke waas ut auch tied veur de ierste polonaise van ut nieje Carnavals seizoen (of is ut nog ut oije, dan is ut ein toetje). Noa de neudige drenkskes kwaam der toch auch aan deze oavend ein einde.
8 fibberwarie 2005 00:00:00
Vandaag stond in ut teiken van de Kinderboorebroelef en de aafsloehting van de vastelaovend 2005. In un boorebroellufstoet trokke wae vanoeht cafe de Poorter noar os eige Brookhazekoeht. Door ut sjoene waer waas dit tochtje good te doon.. in de brookhazekoeht woort middels un ludiek tonielstukske de boorebroedegom en de boorebroed in de onecht mèt elkaar verbonge. Leuk detail is det ich 11 jaor geleeje boorebroedegom bin geweest. Nao de offisjeele plechtigheden waas ut tied um ut echtpaar un hendje te gaon gaeve tiedes de resepsie. Daonao koste wae os te good doon aan versjillende boore lekkernije zoeas un lekkere snee krintewik mit veul botter. Daonao waas ut wer tied um te gaon fieste (det heije wae dees daag nog neet zat gedaon) De brookhazekoeht waas wer super good gevuld en idderein deej lekker mei. Kortom ut fiest leep wer as van zelluf. Ich dag as ich mer polonaises blief laupe hove wae ut auch neet aaf te sloehte. Met ich kwaam van un kaoje kirmis thoes. Dao kwaam de Vorst mich hale. Wae moste binne trikke vur de aafsloehting. Zoe steisse op de buhn en bisse net hierser van ut Brookhazeriehk en zoe asse mit dien auge hees geknippert mosse de vastelaovend 2005 al wèr aafsloehte. Noadet vorst William iers alle minse heij bedankt die de vastelaovend 2005 tot un geslaagd evenement hebbe gemakt waas ut de tied um mien dankwoord te richte nao ut publiek. Ich heb onger angere mien aojers, mien zuske, mien vriendin Coby, miene adjudant Peter, de raod, ut bestuur en vorst William van de Brookhaze, mien kammeraoj, de hofkapel de dansmarietjes en idderien dae ich vergaete bin. Want idderein haet der veur gezorgt det auch de vastelaovend van 2005 wer de beuk in kin gaon as unne sjitterende vastelaovend. Veur mich zoewiezoe de sjonste dae ich heb gehad en ich bin zeker auch de sjonste dae ich oeit zal kriege. MINSE ALLEMAOL BEDANKT VEUR DE SUPER KEI GAVE SCHITTERENDE VASTELAOVEND 2005. ZONGER UCH WAAS UT NEET ZOE GESLAAGD GEWEEST. Daonao hebbe we nog tot in de kleine eurkes door gefiest. Toen waas beej mich de piep leeg en ut glaas beer leeg en bin ich mer gaon slaope. Minse nog unne kier allemaol bedankt auch names mien vriendin Coby en natuurlik miene adjudant Peter die mich allebei door diek en dun gesteunt hebbe. Bedankt allemaol Prins Danny I Coby Adjudant Peter De Brookhaze Kunningslus "Mèt de vastelaovend ginge de Brookhaze op vleugels, en leete ze gaon die teugels!"
7 fibberwarie 2005 00:00:00
Iers zien we vandaag beej savelberg geweest um dao auch unne kiër Carnaval te viere. Ich mot zegge det ze ut hiel sjoën vonge det wae dao langs kwame. Van de angere kant vonge wae ut auch super um mèt de oelewappers carnaval te viere. Ut zien toch de minse waor ich bijna dageliks mèt um gaon door mien werk. Mer carnavalsmandig steit eigelik in het teiken van de kinger. Ut carnavalsfiëst mot natuurlik al jông der in waere gebracht. Dao is zonne middig natuurlik ideaal veur. Mer wat waas der dan allemaol te doon. Nou hiel veul!! As ierste kwaam der unne ballonneclown of wie nums se zoe emes. Dae kreeg alle kinger mei de dansvloer op woedoor de stumming der al vanaaf ut begin in zaat. Diverse nummers woorte ten gehuure gebracht en de kinger deje allemaol hiel good mèt. Op ut einde van ut optrede van de clown koste de kinger unne biesteballon kriege. De clown makte allemaol bieste van balonne. Ich heb det natuurlik auch geprobeert mer det lukte mich vur ginne maeter. Of sorry det klopt neet, ich heij auch un biest gemakt namelik unne PIER. Dae waas good gelukt. Daonao hebbe wae de sjonst verkleide kinger bekint gemakt en de winnaars van de kleurplaat widstried. Nao dees huldiginge krege alle kinger un zekske sjieps en koste wae de nuddige polonaises gaon laupe. En volges mich heij ich ut al unne kier aangegeave, mer ich doot ut nog unne kier: DE TOEKOMST VAN DE VASTELAOVEND IN KUNNINGSLUS ZUUT DER MÈT ZON JEUGD EN KINGER HIËL GOOD OEHT. Want heij kinne ze fiëste. Bezeuk aan cafe de Poorter Op de mandaag aovend wurt der traditioneel un bezeuk gebrach aan café "de Poorter". En waarum zoe det dit jaor angers zien. Mit unne polonaise kwame we beej de Poorter binne. Doe kos wel merke det toen wae binne ware det ut toen toch wel wat drukker woort. De gezelligheid deed de rest en daarum heije we auch dae aovend wer unne hiele geslaagde aovend. DJ Elluf verzorgde wer perfect de muziek. Jao dae kreeg de stumming der good in. Op ut einde van de aovend heije we nog twie gastoptraejes ut sjonste waas van Jos Touwers. Dae vertolkte as vraumes ziende hiel good jou never walk alone. Nao ut gesmeek veur un toegift, deed dae zelfs nog ein nummer. Jao jao dae Jos haet zien roeping gemist. Dao nao deje Bart en ich nog un vertolking van meneer muppet mit manum manum (wereld bekind). Zoe woort de einerlitste daag van de vastelaovend 2005 aafgeslote. Nog mer eine daag en dan is ut wer vuurbej. Mer van de angere kant heb ich nog wel eine daag. "Mèt de vastelaovend gaon de Brookhaze op vleugels, dus laot gaon die teugels!"
6 fibberwarie 2005 00:00:00
De optoch en ut optochbal Vandaag waas de daag waor hiel veul minse oeht Kunningslus toch al hiel lang naor toe hebbe gelaeft. Veul veurbereidinge en blood zweit en traone. Mer det waas dan auch wel te zeen aan de optoch, want wat waas ut unne SCHITTERENDE OPTOCHT. Natuurlik waas ich as prins beveuroordeilt. Want al vong idderein de optocht hielemaol niks dan waas ut nog veur mich de sjoenste oeit. Mer ich kreeg van idderein truuk det ut echt unne optocht waas van hoech niveau. Wae hoofde neet onger te doon veur angere (groetere durpe) en det zeet toch wel get. Auch asse unne daag later zuus det der wages oeht Kunningslust 2e en 7e waere in Kepêl mit un totaal van 30 wages. Det is toch super en petje aaf veur de minse oeht Kunningslus. Ich kin allein maar zegge gank zoe door en zorg det de optoch van volgend jaor net zoe sjoen of nog baeter wurt. Zoe genog vaere in uch kont effe truuk nao de daag van de optocht. Ich vong ut sjitterend um op de prinsewage te staon. Det is ein van de ierste dinge die se van de carnaval mit kriegs as se klein bis en nou steisse in ins zelf op de hoegste trede snoep te goije. Echt super leuk. Alle minse oeht Kunningslus die neet aan de optocht mei deeje stonge naeve de kank te kieke. Echt super. Ut waas auch un groete verassing veur mich det mien kammereuj auch mei deeje. Mien Dannys Angels heije alles in ut geheim gepland zelfs Coby zaat in ut complot. Sjitternd en bedankt dao veur jonges en maedjes. SUPER. Nao de optoch waas ut groete optochbal. Iers waas de zaal noch ein bietje leeg want idderein mos zien greij oprume en effe wat aete. Maar net veur de priesoehtreiking barste de zaal bijna oeht zien voege. Ut waas un bonte verzameling van vanalles eigelik en ich waas auch blie det ich neet hoofde te kelnere. De priesoehtreiking waas natuurlik hiel spannend. En ich mot zegge det alles hiel erg dicht bejein loog de prieze ware verdeilt en we koste der un sjitternde fiest van make. Dit duurde natuurlik nog tot in de kleine eurkes. Ich wil effe vermelde det mien angels de fenomenale 2e pries in de wacht heije geslipt (ze koste toch neet op tege det ROZE geweld) Al met al wer unne daag dae ich noeit zal vergaete. IDDEREIN BEDANKT VEUR DEZE SUPER OPTOCHT. "Mèt de vastelaovend gaon de Brookhaze op vleugels, dus laot gaon die teugels!"
4 fibberwarie 2005 00:00:00
Nao iers nog get sjuchter te zien, begoste de meiste kientjes van de creche toch get vraoge te stille toen ik net binne waar. Iers hebbe we dao same get gedronke en get sjieps gegaete. Toen kos ut fies beginne en hebbe we gedanst. Jao det kumt wel good in Kunningslus as ich die kleintjes dao al zeen danse. Nao versjillende polonaises te hebbe gelaupe mocht ich mit alle kinger op de foto. De kinger op de roetsbaan en Peter en ich aan allebei de kant dao van. Ich kin wel zegge det de daag good begonne is. Van dao oeht ginge we rechtstreeks naor de liegeresjoel um veur de middig nog unne kingeroptocht te laupe. Toen wae dan eindelik dao ware kos de optoch beginne. Mèt de Sjoelprins en en sjoelprinses veurop slote wae mit de groete Brookhaze de optocht aaf. Det mosse dich veur stille as Hongert hiele blieje kinger die allemaol verkleid zien en die zinge en veul kabaal make, dao krieg se toch drek goije zin van, of neet? Tusse de middig effekes aete, lekkere bulkes in tomatesaus. Bedankt dao veur nog. Smiddigs toge wae naor de Brookhazekoeht vur unne middig vol mit veurdragjes van sjoeljeugd. Det ging van playbacke, tot life zinge en sjitterende dansjes. Natuurlik ware os eige dansmarietjes der auch beej. En de hiele middig woort natuurlik opgelusterd door Dj Antonio en de Happy Togethers die veur de gelegenheid ware aangevuld mit ein aantal gastmuzikanten. Nao de veurdrachtjes woort der nog volop gefiest zoas det allein in Kunningslus kin. En ich mot ein groet compliment make veur de jeugd van Kuningslus want deze middig waas hartstikke gezellig. En zoe as ze zegge de jeugd heet de toekomst. Dao nao zien we nog effe het boorebroedspaar van de Oelewappers gaon felisitere die ware net in de onech verbonge. En dink der aan minse op dinsdig hebbe wae os eige huwelik in de brookhazekoeht mit os Kingerboorebroelef, allemoal kome!!!!! "Mèt de vastelaovend gaon de Brookhaze op vleugels, dus laot gaon die teugels!"
3 fibberwarie 2005 00:00:00
Op donderdigmiddig vertokke wae weer naor Kepel um dao carnaval te gaon viere mit ein paar aafdeilinge van de Wietel. Onger de muziek van accordionist Bart en onger ut genot van un hapje en un drankje hebbe wae der unne gezellige middig van gemakt. Wae hebbe un preutje gemakt en op ut list nog unne lange polonaise gelaupe. Unne geslaagde middig kos ich wel zegge. En nou wae toch dao ware koste wae net zoe good mien oma en de oma van miene adjudant effe ophale en lekker wat gaon drinke. Zoe gezag zoe gedaon. Nao det wae allebei de oma's ongersjeide heije zien wae nao ut restaurant gelaupe. Lekker wat gedronke en op ut lest auch nog get gegaete. Ich kin wel zegge det de oma's erg trots waare. Super um mei te make. "Mèt de vastelaovend gaon de Brookhaze op vleugels, dus laot gaon die teugels!"
2 fibberwarie 2005 00:00:00
Wae toge vandaag naor Venlo um un bezeuk te bringe aan de resepsie van prins Bart I van ut Oxiriek. Now dinkt gea waarum geit dae nou naor de resepsie in Venlo. Nou prins Bart I is auch beej ôs de hierser gewees euver ut Brookhazeriehk. Det waas namelik in 1971. Det waas un leuke happening en ich dink auch wel un unikum. Dao hebbe wae Bart I un ongersjeiing gegaeve en ich heb der eine moge ontvange van prins Bart I. Daonao nog wat nao geklept. Kortum unne sjieke aovend. "Mèt de vastelaovend gaon de Brookhaze op vleugels, dus laot gaon die teugels!"
1 fibberwarie 2005 00:00:00
Op unne sjoëne dinsdigaovend vertrokke wae mit ein bus mit de zustergemeintes Graashook en Dorp naor Remunj. Big Bennie organizeert daor illik jaor un groet prinsetreffe mit rônk de 150 prinse. Dit jaor ginge we dao ruum euverheen mit 168 prinse. Wae trokke mit alle dorper van de geminte Helje rechstreeks naor veure zoedet we mit zien alle rech veur ut podium stonge. Um de beurt werde der un 40tal prinse naor bove gerope. Leuk detail waas det dit jaor de 1000e prins dao zoe zien en det zoe idderein kinne weare. Nao ein aantal goije artieste waor wae mit op ut podium hebbe gestaon en mit hebbe gedanst (erg sjiek veur zonne groete zaal mit allemaol prinse en dus auch veul vaere), werd de 1000e prins umhoeg gerope, mer det waas ginne prins mer un prinses. En nog wel ein oeht ut kerkdorp Graashook. Ut waas prinses Vera I van de Graasvraeters oeht Graashook. En wat bleek, Prins Roel van Graashook waas de 999e en ich prins Danny waas de 1001e. (Dus toch de Sp(R)ookjesprins red.)Gae kint uch veurstille det wae dus goot vertegewoordigt ware mit de Geminte Helje en det wae dus auch same zien binne gekome. Verder heb ich mich dao de auge oeht gekeke nao alle prinse, prinsesse en angere sjiek verkleide minse (wat bin ich blie det ich neet zon strakke mijoos aan mot). Tot slot waas der ein sjitterend optreje van Big Bennie wat de aovend hielemaol aaf makte. "Mèt de vastelaovend gaon de Brookhaze op vleugels, dus laot gaon die teugels!"
30 jannuwarie 2005 00:00:00
Zoe ut is vandaag alwir de litste resepsie die wae bezeuke van ein van os zustervereiniginge. Vandaag heat prins Rene van de Dorper Kuus zien resepsie. En eigelik waas ich dao bis ein bietje treurig um. Want de resepsies ware allemaol super en dit waas alwir de litste. Maar wat lit os um auch heij wer un super fies van te make, en ein super fies werd ut. Mit hiel de raod van illef, Adjudant Peter, Vorst William, de maedjes van de raod, mien aojers en mien kammeruej trokke we de kuzetempel binne. Noa prins Rene, zien vriendin Lies en ziene adjudant en vriendin profisiat te hebbe gewinst en ze te hebbe gezag det wae op zien broelof kome werke kos ut fies beginne. In de bomvolle en werme kuzetempel waas ut aan ein stuk plonaises, danse en fieste. Ich wid det ich gin minuut heb stil gestaon en wae hebbe alle plekke van de kuzetempel mit polonaise laupe gehad zelfs ut biljart en achter de bar hebbe wae gedanst. Zoeas ut al um bekinde gezegde geit: as se plezeer his, wit se al gauw neet mier hoe se mos kieke um te weite wat se aan ut doon bis, en dan dien konklusies te trikke. Mit angere weurd, ut waas wer te snel veurbej en we moste al wèr gaon. In de bus waas ich zoe kapot det mien auge bijna toe vele en ich kramp kreeg. Nou kin de vastelaovend echt beginne. Mer iers dinsdaag naor Remunj nao ut Prinsetreffe. Make we der wer ein fies van. Leas ut verslaag mer. "Mèt de vastelaovend gaon de Brookhaze op vleugels, dus laot gaon die teugels!"
29 jannuwarie 2005 00:00:00
Jao jao det moog de organisatie zich aanraekene, zoiets heb ich nog noeits gezeen. Dao sjleit mien hert van euver. Sorry mer det mot gezag waere. Ut mot mig van mien hert want angers blief ich heij mij ronk laupe. Ich hoop det de organinsatie van de Bonte aovende dit leust, want die kinne zich dit aan trikke…………. QAT UN SJITTERENDE BONTE OAVENDE. Geweldig gewoen. Ich as prins van 2005 bin natuurlik ontzettend beveuroordeilt, want as der gin klap aan waas geweest den waare ut veur mich nog sjoene bonte aovende geweest. Maar gelukkig waas det neet ut geval. Ich heb nemes huure klaage, en allein maar positieve berichte gehuurt. Alle lof veur de organisatie en alle vrijwilligers die heij aan beij hebbe gedrage. Mer det kin auch neet angers mit zon super programma. Der ware artieste die os hebbe laote lache, danse, springe, actere, en zinge. Wat wilse dan nog mier. De buutreedners heije drei hiele goije buutte veurbereit. Veul minse moste toch un traantje wich pinke van ut lache. Um en um opende op allebei de aovende. Dees twië brachte de stumming der al good in. Auch waas der unne bandparodist uit het Brabantse land. Idderein dae door um op ut podium woort gebracht werd flink door de mangel gehalt. Heij ware auch veul minse die nimmer beij kwame van ut lache. En nemes minder as Ben Verdellen sloot de aovend aaf, en det waas un goije keus. Der woorte un aantal meizingers, sjoenkelaars en polonaise plate oeht de kast getoverd en de zaal loog op allebei de aovende aan Ben zien veut. Op de zatterdig aovend hebbe we zelfs de polonaise naor boete door getrokke. Wat ein fiest. Op de zatterdig aovend hebbe we nao de bonte aovend in de café nog un afterpartypolonaise ( galgje woord) gehoije. Onger leiding van Cindy Zelen ging de hiele cafe nog in unne polonaise. Verder wil in ein apart stukske de dansmarietjes, de beide showdansgroepe en de begeleidsters bedanke veur de dreij sjitterende danse op dees aovende. Ich heb veul positefs gehuurt oeht de zaal euver uch. Tegewoordig kinne we un bonte aovend zonger uch neet mier veurstille. Sjitterend dames en maedjes. Enne de volgende kier as ich waer prins bin zal ich mich baeter schaere. Good det ware de bonte oavende al wear, merge gaon wae nao Helje Dörp nao de resepsie van Prins Rene van de Kuus. "Mèt de vastelaovend gaon de Brookhaze op vleugels, dus laot gaon die teugels!"
23 jannuwarie 2005 00:00:00
Vandaag waas ut dan zoewiët mien eige resepsie stong veur de deur. Nao unne nach slecht te hebbe geslaope en slecht gegaete (van de zenuwwe) waas ut dan zondigmiddig. Nog ein half eurke en ich zoe opgehald waere. Sjit ich heij nog gin geld, sjnel pinne en wie unne gek wer nao hoes. De irste femilie kwaam al binne. Ich mos make det ich in mien ambtskleier kwaam. Dao kwaam ich dan nao ônger gans in ut pak mèt mantel, Ich Prins Danny de irste van ut Brookhazeriehk.Dao ging de bel. Dao stonge miene adjudant Peter, Vors William en Marlie van de maedjes van de raod van illuf. Op de straot stong de ganse raod van illuf, bestuur, de maedjes van de raod, dansmarietjes. Jeugdprins Bram, prinses Ellen en adjudant Bas mit de ganse jeugdraod ware der auch. Onger musikale begeleiding van the Happy Togethers ginge wae nao de Brookhazekoeht. Dit stuk heb ich extra oehtgebreid vertild um det det nog kos. Wat ich vanaaf dit moment mit makte kan ich zellef nog neet bevatte en dus nog neet good opsjrieve. Ich heb ut geveul det ich 10 kier zoeveul heb mitgemakt as des se eigelik kins verwerke op eine daag. In ut kort sjrief ich ut ein en anger op daonao gaef ich staekweurt want angers mot gae uch der unne aovend veur oehttrikke um dit daagbook te laeze. De resepsie begos, ich wis neet wat ich mos verwachte en of ut druk zoe waere. Nou ja ut is stampdruk gewees. En der zien allemaol minse naeve gekome die ik hiel lang neet heij gezeen, die ich ilke daag zeen, die ich wel verwachtte, die ich neet verwachtte. Ein dink heije ze gemein. Ze heije plezeer, det bleek wel oeht ut fiëst wat nao de resepsie gebouwd woort. ALLEMAOL BEDANKT BEDANKT BEDANKT. Auch alle zustervereiniginge ware der en ilke vors heij natuurlik iets euver mich gevonge (bedankt vriende, mam en Coby) maar good, ut woort der allein mer sjieker op. Mit as klap op de veurpiël det ich ein stuk hamlap op Graashookse grônk mos aete. Ich leet mich neet kinne en mèt eine slok beer en 10 minute later waas hae wèg (eine hap). Auch mien collegaas, de voetbalclub, de fanfare, vcd, de brookhaeskes en ut boorebroedspaar heije wat euver mich te vertelle. Allemaol BEDANKT BEDANKT. Zelfs de Piëlpluimen oeht Helenaveen ware der erg sjiek. Nao de respsie waas ich ein bietje verdwaast, ich wis neet waor ich mèt mos praote waor ich mos kieke en wat en wannier ich in de polonais mos gaon. Ich heb beslote um te doon wat mich ut biste leek. Maar in idder geval heb ich un groet fiëst gebouwd. Man man man wat ein fies. Echt sjiek. Eigelik valt det zoe neet oeht te drukke, doe heis der beej motte zien. Ich heb mit veul minse neet kinne praote, sorry daoveur mer dan hebbe wae daonao nog un reeje um mit elkaar te kalle. Effe un impressie van de aovend: sjiek, veul hendjes: sjieke speeches, druk bedankt, mit zien alle op ut podium. Op de sjouwers, stuk vleis, SUPER FIEST, hiël druk, polonaise, aan ein stuk door, heng te kort, auge te kort, Allemaol bedankt, gelache , gepraot Superaovend, eier gegaete allemaol bedankt. En ten slotte allemaol bedankt Ut waar super, iets wat ich noeit zal vergaete Prins Danny I Coby Adjudant Peter "Mèt de vastelaovend gaon de Brookhaze op vleugels, dus laot gaon die teugels!"
22 jannuwarie 2005 00:00:00
Oppe zatterdig waas ut dan tiëd um in unne groëte stoet nao ut Oelewappersriehk te laupe. Same mèt de hofkapel (the Happy Togethers), de dansmarietjes, de Brookhaeskes De maedjes van de raod en de groete raod ginge wae Prins Johan en Vors Twan van ut Oelewappersriehk felisitere. Ut oelewappersriehk is boete de carnaval Savelberg (veur diegene die det neet weite). Savelberg is natuurlik ginne onbekinde grônk vur mich, ich wirk namelik in ut dageliks laeve op Savelberg. Normaal duit miene vors dan auch ut woord bej un resepsie, mer ich heij um gevraogd um mich uns un weurdje te laote doon. Det waas gin probleem . Zoe gezag zoe gedaon. Naodet wae Prins Johan, Vors Twan en de hiele raod van illuf heije gefelisiteert en gehuldigt kos ut fiëst beginne. Auch dit waas wer un hiele drukke resepsie want auch Prins Patrick oeht ut Kemphazeriehk waas heij van de partej. De tiëd vloog um, en ut waas den auch zoe tiëd um te gaon. Maar gelukkig kome wae heij op carnavalsmandig truuk, en dan gaon wae gewoen wierr waor det wae gebleeve ware. "Mèt de vastelaovend gaon de Brookhaze op vleugels, dus laot gaon die teugels!"
21 jannuwarie 2005 00:00:00
Vandaag waas ut de beurt um ein bezeuk te bringe aan ut oehtkome van de nieje prins en prinses van de Brookhaeskes en ut nieje Bruudje en Broedegom. Um half zeve ware wae al dao paraat want un half eurke later zoej ut nieje boorebroedspaar oehtgerope waere. Ich mocht dao gaon darte, en ilke kiër as ich unne piël gegoijt heij, dan mos der ein doës ope gemakt waere. In die doës zoot ein litter of un vraogteiken. Op ein gegaeve moment kwame dao twië naame oeht. Det waar dan ut boorebroedspaar van 2005. Det waas neemus minder dan Joost van den Boer en Anouk Jeuken. Dees waere in de onecht verbonge op de dinsdig mèt Carnaval. Ich wil uch daor alvas veur oehtnuddige want det wurt ein groët spektakel. Nao alvas gefiëst te hebbe mèt de jeugdprins en jeugdprinses van veurig jaor, en alle brookhaeskes, woort ut tiëd um de spanning get op te veure, want de nieje hiersers van het Brookhaeskesriehk zoeije bijna oeht kome. Auch hej bej môs ich helpe. Ich môs 15 vraoge beantwoorde die (ut kin auchneet angers) euver de carnaval ginge. Mèt ein soort Lucky Letters (gelukslitter) kwame dan litters te veursjien. Ich heij beina alle vraoge good, ich wis tot mien groëte spiët neet weem osse hierser waar in 2001 (sorry Cor), Oehteindelik heije wae alle litters gezeen en waas bekind weem prins en prinses ware namelik…………….. Prinses Ellen 2(van Ool) en Prins Bram 1(Kessels), same mit adjudant Bas (Koopmans) en de hiele raod van illuf zweije dao de scepter euver ut hiele brookhaeskesiehk. Wae hebbe daonao nog un sjoën fiëst gebouwd en jammer genog waas det wèr veul te snel veurbeij. Ut waas unne sjoene aovend. "Mèt de vastelaovend gaon de Brookhaze op vleugels, dus laot gaon die teugels!"
16 jannuwarie 2005 00:00:00
Vurdet ich en miene adjudant nao de prinseresepsie beej de Kuus oeht Kepêl toge, hebbe wae iers ein bezeuk gebrach aan ut Pielpluimeriehk in Helenaveen. Auch dao heije ze resepsie, en moog nou oehtgeraekend miene adjudant Peter un neef zien van de Prins van Helenaveen Prins Roger I en zien Prinses Inge. Nao un hiël kort bezeuk en de prinselijke plechtigheje waar ut tiëd um te gaon. Op nao de Kuus oeht Kepêl. Nao un sjiek weurtje van ozze vorst, gerich aan Prins Funs I van de Kuus oeht Kepêl, kreeg Funs de felicitaties van mich. Tiedes de resepsie kwame de werknemers van Funs (hae heet un eige slechterie) binne, die deilde huitvleis op zwartbroeht oeht. Ich heij det al lang neet miër gehad, en volges mich lusde ich det auch neet. Mehr wie Rob S. mich zei det ut nao frikandelle smakt en det ut mit majonaes nog lekkerder is heb ich ut toch mer geprobeert en warempel ut waas nog lekker auch. Ut offisjeele gedilte waar aafgelaupe en wae waagde os wèr aan de ierste polonaeses (en eine sirtaki dae stiëds sneller ging, man wat waas det vermeujend). Nao flink gefiëst te hebbe net as in de Graashook en Egchel, krege wae nog ein hiel sjiek optraeje van de Rampetampers. Det is eine trommelgroep die det echt hiel good kinne, die gave un hiele sjieke sjoo wich. Dao heb ich ech van genote. Maar ja toen waar ut wèr tiëd um nao hoes te gaon en det hebbe we auch gedaon. Ich heb now veer daag rust, um effe beej te tanke, kinne we der vriedig wèr flink tegeaan bej ut OJB Brookhaeskesbal, dao wurt miene jongere ambtsgenoot oehtgeroope. Kom dus vriedigaovend allemaol kieke in de Sprunk vur wèr un prins(ess)elijke oehtrooping en natuurlik ut boorebroedspaar wurd auch oehtgerope "Mèt de vastelaovend gaon de Brookhaze op vleugels, dus laot gaon die teugels!"
15 jannuwarie 2005 00:00:00
Nao gister un sjitterende resepsie te hebbe gehad beej de graasvraeters in de Graashook mit Prins Roel en Prinses Vera, koste wae vandaag os opwachting make in ut Kemphazeriehk. Ut Kemphazeriehk in Egchel wurt geregeert door Prins Patrick. Det beloofde auch wèr unne sjitterende aovend te waere. Nao iers wat geplaart te hebbe mit mien vaere op miene steek (Ruud K. mot dao hielemaol gek van zien gewaore) kos ut fiës beginne. De eine nao de angere polonaese kwaam der aan, en volges mich heb ich ze allemaol gehad. Nao duk op de taofels te hebbe gestaon en de nuddige pilskes te hebbe gehad woort ut auch wèr tiëd um ut Kemphazeriehk wèr te verlaote. Merge naor Kepêl, de litste resepsie van ein zwaor mer nou al geslaagt wiekend (en Kepêl mot nog komme). "Mèt de vastelaovend gaon de Brookhaze op vleugels, dus laot gaon die teugels!"
14 jannuwarie 2005 00:00:00
Vriedig ginge we veur de ierste resepsie van mich dit jaor nao de Graashook. Ich wis neet wat ich kos verwachte. Maar dit ging allemaol van ein leije dekske. Nao hiel lang in de rej te hebbe gestaon. Mochte wae dan eindelik aan traeje bej osse doorluchtige hoëgheid Roel en zien prinses Vera van ôs zustervereiniging de Graasvraeters in de Graashook. Daor kreeg ich mien irste ongersjeiding van dit jaor umgehange door Roel. Nao ut offisjeele gedilte en ut kinnesmake mit de angere Prinse van de gemeinte Helje en dae van de Pielpluimen oeht Helenaveen , koste wae gaon fiëste wie de bieste. Leuk detail is det de Prins van Helenaveen un naef is van miene adjudant Peter. De drej oohr daonao heb ich neet stil gestaon en bin ich van de eine nao de angere polonaese gaon laupe en det is mich neet tegegevalle. Super vong ich ut op de buhn staon mit alle Prinse en mei auch mit aanhang. Al met al waas ut unne aovend dae te snel veurbej waas. Vur ich ut wis waar ich wèr in Kunningslus, bezwit mer voldaon. "Mèt de vastelaovend gaon de Brookhaze op vleugels, dus laot gaon die teugels!"
9 jannuwarie 2005 00:00:00
Ich waas de daag van ut prinsebal toch wel zenuwechtig. Gelukkig môs ich smerges en smiddigs wirke. Dao kreeg ich ein bietje aafleiding van. Eindelik waas ut dan zoe wiët. Ich kos dur nao toe. Noa mien ierste paar filskes begôs ut mich toch miër te kriebele. Wie môs ich dalik wich koome. Ich hei al ein paar doordringende blikke van eine persoen gekrege det ich op de ein of angere manier toch wich môs koome. Maar ich wis NEET wie. Op ein gegaeve augenblik kumt L. Pouwels nao mich toe en zaet "ich gaon die minse heij uns allemaol veur de gek haoje, Ich laup nao boete" waor ich op zei "zal ich mei doon" En wig ware waa. Hae wis nog neet det ich echt de prins zoe waere, dus des te leuker. Nao ein sjitterende onthulling {det vong ich ech sjiek, dao waas veul tiëd aan besteed bedankt dao veur), mèt eine spokendans mèt de showdansgroep, kwaam ich um klokslaag twelluf te veursjien as nieje HIERSER VAN UT BROOKHAZERIEHK. Nao ut op ut podium rope van miene kammeraod en adjudant Peter en mien vriendin Coby kôs ich beginne mit ut veurlaeze van de proklamasie begeleid door de hofkapel die dur gelukkig dit jaor auch wèr bej zien. Nao de spontane resepsie kos ut fiëst los barste. Ich wis neet wanniër ich mit weem kos praote en wanniër ich mocht fieste, det kwaam umdet alles in unne roes ging. Ich wil nou alvas idderein bedanke die op mien onthulling waar en idderein dae van plan is um mèt mich, Adjudant Peter, mien vriendin Coby, vors William en de hiele raod van illuf der unne schitterende Carnaval van te make. KORT MAAR KRACHTIG. Ich eindig mit miene sjpreuk: "Mèt de vastelaovend gaon de Brookhaze op vleugels, dus laot gaon die teugels!"Ps1: Ich hoop idderein te zeen op mien resepsie op 23 januari van veer tot zes In os eige Brookhazekoeht. Ps:2 ich probeer vanaaf nou iddere kier noa ein aktiviteit un stukske te sjrieve. Maar um de ein of angere rede kan ut auch we uns get later zien. Gin bose blikke astebleef Prins Danny I Van ut Brookhazeriehk
   
© C.V. de Brookhaze | 2000 - 2018