Ut Motto vur 't seizoen 2018 - 2019 is:  
''Sjitterend

   

2014 Kevin de irste (Joosten)

Wederom unne zonnige daag, deze middig stong in ut teiken van de Kingerboorebroeluf. Einmaol verzameld beij gromme hebbe we os opgesteld vur de optocht richting de Sprunk. Door ut overleide van Miep Berkers hong dr un grimmige sfeer, terecht det eemes tege mich zeij: ‘Zoe zuuse mer det plezeer en verdreet dicht beijein likt’. Oet respect vur Miep en heur familie zien we begos mit un minuut stilte waornao we rustig richting de kerk zien gelaupe. Einmaol dao aangekome begos de hofkapel te speule en trokke we nao de sprunk. Dao stong alles klaor vur de boorebrunch. Ig mot heij nog efkes over kwiet det ut mich good gesmakt heet.
 
Vervolgens waar ut tied um Stijn en Sem in ut onecht te verbinge. Via een erehaag werde ze nao ut podium begeleid waor de ceremonie kos beginne. Zelfs in ut onecht trouwe geit natuurlijk neet zoemer, ze moste mekaar iers get baeter liere kinne. Door middel van twie klein spellekes lukte det vreij aardig. Naodet Stijn en Sem beide hun jao woord heije oetgesproke. Kos ut feest van start. Beginnende mit de respesie en daonao hun “broeluf”. Dit ging door wies det ut tied waar vur mien eigen aafsloeting.
 
De aafsloeting: Det is noeit leuk natuurlijk aafsjied neme van zonne geweldige tied. Helaas huurt det dr auk beij. Naodet de jubilarisen gehuldigd ware en vorst William ut inleidende weurdje heij gedaon waar ut aan mich, um de minse die zich vur mich hebbe ingezatte en die ut mogelijk hebbe gemakt um deze vastelaovend te make wie ut is gegaon te bedanke. In miene kop heij ig un klein lieske van minse die ik zeker neet mos vergaete en op een paar nao heb ik det lieske redelijk good weite te vertelle. Echter de minse die bovenaan stonge bin ik vergaete te beneume. Os pap en mam! Mam die ilke daag ut greij klaor heij ligge, mich auk thoes behandelde wie unne echte prins. En pap dae net zoe good un greun staek op heij kinne zitte, wie duk dette mich de vaere mit nao hoes heet gebracht of alvast de mantel heij gepakt. Det natuurlijk allemaol boete zien normale bezigheden as fotograaf, seitbaas en manusje van alles gedurende de activiteiten dr beij. Gae van alle minse ut allehelst en alsnog: BEDANKT!
 
Nao mien aafsjiedweurdje waar ut tied um nog eine kier knalle, de litste kier veurop in de polonaise, de litste kier in un kring staon um te sjoenkele. Tja dao is ut aafsjied veur.. Idderein bedankt vur dit geweldige seizoen. Dr zien veul momenten die ik noit mier zal vergaete en waor ik nog vaak aan zal truuk dinke mit unne glimlach. Ik hoop det gae dr net zoe van genote hebt as ik!
 
Al slaon alle kompjoeters op tilt, neemus dae mig van dit fiëst weerhilt!!
 
ALAAF!
Nao thoes efkes beijgetankt te hebbe van de sjoene Kingermiddig werd ut tied um os te melde beij Gromme, heij stong de Poorterpart deil 2 op ut programma. Ik waar vanteveure door aod-prins Leon gewaarsjuwd det dr op de mandig veul gelaupe werd. Dus dao heel ik dan auk raekening mit. Nao un paar glaze beer gedronke te hebbe werd ut tied um aan de polonaise te beginnnen. En wie! Naodet we un half oor aan ein stuk heije gelaupe vong DJ Blowie det ut tied waar um echt te stoppen. We krege un aantal nummers rust. Mer ut waar alwer snel tied um door te gaon. Oeteindelijk hebbe we van ut angerhalf oor un vol oor gelaupe en goof Ronny ziene stappentiller 9 km aan. De rest van de aovend ging ut get rustiger mer ik heb gehuurd det gromme daags dr nao nog de spore in de tegels zoog. Hoewel ut neet huul druk waar hebbe we os toch huul good weite te amuzere deze aovend ut waar erg gezellig!
Alveurens ut brookhaeskesSjlagerfestijn van start kos gaon  zien we efkes beij os niejste brookhaeske (Saar Verhaegh) op bezeuk gewees. Nao get besjuut mit muuskes en Saar gehuldigd te hebbe waar ut tied um aan te traeje beij de Sprunk
 
Normaal gesproke bin ig zelf neet aanwezig beij de kingermiddig umdet geliektiedig auk de optocht in kepel is waor det we dan gaon kieke. Dus totaal neet wetende wat mich te verwachte stong kwaam ik mandig beij de sprunk aan.
Ig mot echter zegge det ik ut unne sjieke middig vong. Ik wis neet det dr zoeveul talent waar in Kunningslus. Van dansen vur de allerkleinste tot ut zelf sjrieve en zinge van un liedje. Det vong ik echt sjiek. Ik dink det ik wel kin zegge det we unne terechte winnaar heije. En ik hoop det ze binne neet al te lange tied mit doon aan de groete liedjesmiddig!
Wat un prachtig waer nao zonne sjoene aovend daags dr veur. Nao iers good gegaete te hebbe waar ut tied um richting de Brentjes te laupe. De startplaats van de optocht. Dao zuusse vur de irste kier alle minse die zich hebbe opgegaeve um mit te laupe en wat ze in de aafgelaupe waeke/mande hebbe gedaon um zich veur te bereiden. Natuurlijk stong dr wer unne prachtige wage van VC Ongekind. Mien eige familie deej mit (det waar un totale verassing). Mer natuurlijk auk de jongens en maedjes van Krangs-um. Ut waar unne sjieke optocht, dr deeje wer zat minse mit dao kinne wae as klein gemeinsjap toch al jaore trots op zien. Ronk un oor of 7 begos de priesoetreiking en krege alle junior deilnemers un zekske snoep. De oetslaag steit inmiddels auk op de site en zoeas ge zuut hebbe de Los Kamerados gewonne beij de groepen. Mit dees minse heij ik namelijk de aafspraok det AS ze op de buun kwame ze un glaas beer krege. Wie of waarum laot ik verder in ut midden, de minse die dr beij ware wete wel waor det ut over geit. Ut waar verder unne sjoene aovend.
Naodet de raod, kammereuj en familie Smiddes hebbe kinne geniete van unne lekker vitte bodem Stong Poortparty deil 1 op ut programma. Ut waar druk det veel mich wel op. Mit optredens van de VETeranen en de Toddezek ging ut daak dr aaf. En vur alle aanwezigen un compliment namens de Toddezek. Wae ware van de 9 plaatsen dae daag ut aller gezelligst! Det zeet toch zat asse zoeget te huure kriegs. Ik kin eigelijk neet mier over de aovend vertille want hae vloog werkelijk vurbeij.
   
© C.V. de Brookhaze | 2000 - 2018