Ut Motto vur 't seizoen 2018 - 2019 is:  
''Sjitterend

   

2010 Mark de irste (Bos)

Hejonger treft gae de daagbookartikele aan van Prins Mark de irste Bos

12 fibberwarie 2010 23:00:00
Thoes snel effe iets gegaete en nog get dieke kleier aangedaon en toen alwèr snel nao miene adJOdant. Alles w`r bej elkaar gepakt en op nao de Poorter. Nao efkes gewacht te hebbe kwaam de bus al en vertrokke wae nao Kepel nao ut gemeintehoes. Dao aangekome heije ze vur ilke vereiniging ein “parkeervak” aangeweze en moste wae onger muzikale begeleiding wachte tot de burgemeister m`t eine leavesgroêhte sleutel nao boete kwaam. Nao ein weurdje van Robert Janssen ginge wae in eine groêhte stoet nao ut plein bej Dok 6 waor ze as irste ut Limburgs volkslied zonge. Alle Prinse waore toen oêhtgenuddugd um op ut podium te kome. De burgemister hej euver idderein ein weurdje te vertille. Ut waas mer good det ich ein daagbook bej haoj (as innigste Prins) wat angers hej hae natuurlik niks geweete.. Toen hae oêhtgesprooke waas moogde ich um nog efkes bedanke en kreeg ich de MACHT veur dreej daag!! Toen de Baolderse Prins aan de beurt waas zei hae in zien weurdje det de aojste de b`ste ware en toen mos ich toch efkes ingriepe want ich waas net iets aojer (toen stong hae toch efkes stom te kiehke). Maar natuurlijk hej hae wel geliehk!!!!!! As slot nog eine sjoene aovend gemakt in Kepel en ut waas vur de irste kier echt gezellig mit ALLE Prinse van Peel en Maas. Um half 10 (eigelijk heije wae al om nege oohr motte vertrikke) moste wae truuk m`t de bus en hebbe wae der bej de Poorter nog unne sjoene aovend van gemakt. Helaas koste wae gin lekkere bolkes in tomatesaus bej Karin gaon aete umdet ozze vorst William door de vorst neet thoes kos kome.. Jammer! M`t un paar minse hebbe wae dan toch nog mer ein paar eikes bej adJOdant en Angela geaete en de aovend aafgeslaote.. Maak plezeer en bin blej, Vastelaovend is wer zoe vurbej!
17 fibberwarie 2010 00:00:00
Nao ein paar eurkes geslaope te hebbe waas ich al wakker en maar opgestaon, efkes ein tas koffie en get te aete en toen de foto’s bekeke van eine geweldige aovend (ze stonge der natuurlijk alwèr op). Ich waas gevraogd of ich mej op de foto woei mèt ut boorebroedspaar en hej miene steek en septer nuddig. Dus rôngk 10 oohr William gebeld, en jao dae laag natuurlik nog in bèd. As ze hum dan zuus, dan zuusse get??? Vur de foto’s iers efkes naor adJOdant toe, kiehke of hae niks kwiet waas (dit kier neet) en dan mèt ein duudelik verleefd paartje op de foto. Rôngk 12 oohr nao de sprunk waor we vandaag de kingerboorebroelof hebbe. In eine optocht ginge we nao de sprunk vur eine gezamelikke brunch. We ware mèt ein klein 200 man. En ich vong ut auch ein geweldig idee um de daag zoeë te beginne. Ich hej de ier um naeve ut overduudelikke kei en kei smoorverliefde paartje te zitte en auch ut aete waas hielemaol aaf. Duudelik vur herhaling vatbaar. Mèt eine gooje boom in de boëk ginge we daonao efkes tussendoor nao Sjaak en Lien Berkers die we ein blumke mochte aanbeeje vanwege het feit det ze vandaag precies 50 jaor getrouwd ware. Nao de serenade van de Hofkapel krege we allemaol unne Jägermeister vur tege de kaoj en efkes nao de Poorter um der eine te drinke op ut goude broedspaar. Daonao ginge we wèr truuk nao de Sprunk vur de boorebroelof. Naodet de seremoniemister de aankondiging hej gedaon, kos ut tonielspel beginne. Toen Rik en Sem, ut broedspaar, eine tiehd mèt vlinders in de boëk op ut podium de show haeje gestole koste ze in heure huweliksboeth verder vaare en zich klaor make vur de resepsie. Toen die waas aafgelaupe koste we doorgaon met fiëste. Ut begos langzaam aan maar de polonaises kwame stieds sneller achterein in de good gevulde brookhazekoeht. Tege un oohr of acht begoste we aan datgene was ze as prins ut minst gaer duis: ut aafsloehte. Vorst Wullem Joexcius IV begos mèt kalle en ich dag nog ik mot dalijk auch nog dus hopelik zaet dae neet alles. Maar doe kins zeen det hae veul ervaring haet want ut geit um erg mekkelik aaf. Toen waas de beurt aan de prins en kreeg ik de microfoon en moogde ik mien weurdje gaon doon. Same met Jo haeje we ut veurbereid maar door det ut get duuster waas kos ich ut neet laeze en mos ich ut maar oeht de kop doon. Ich woei ut ein bietje humoristisch haoje dus hej ich ein bietje ‘extra’ aandacht vur ein paar minse en kos idderein bedanke vur de geweldige Vastelaovend. En mocht ich eemus zien vergaete dan doon ich det bej deze nog ins. Naodet ich hej aafgeslote mèt miene spreuk waas ut noch tiehd vur der noch eine sjoene aovend van te make mèt as hoegtepunt mit Jo en families op ut podium te staon en ut geweldige liedje “Oeit nog ens Prins te zien” te zinge. Mer auch aan deze aovend kwaam wèr veul te snel ein eind en nao iers nog efkes in ut café verder te zien gegaon mèt fieste en polonaises waas ut toch echt tiehd um……….. ein eike te gaon aete. Dit kier bej Jo en Angela. Dan is ut toch tiehd um nao hoes te gaon en kumt er ein einde aan eine fantastische vastelaovend. Nogmaals minse.. bedankt namens os allemaol!!! A L A A F Maak plezeer en bin bléj, vastelaovend is wer zoe veurbéj
13 november 2010 19:48:46
Zatterdig aovend waas de liedjesaovend in os eige Brookhazekoeht. De aovend begos mit de winnaars van vurrig jaor, Hagel & Slaag. Al waare der dit jaor mer 4 groepe die mei deeje der zaate der wel tusse die zoe mit X Factor mei koste doon. Naodet ze allemaol 2 kier haeje gezonge en de jury klaor waas met jurere waas de presentatie pries, vur Hagel & Slaag die der wer veul wirk aan heije gedaon en der hiel sjoen oehtzooge. de liedjesaovend woort gewonne door eine groep dae wel altiehd dao is maar vur de irste kier mit dee De Hofkapel. Naodet ze het sjoene liedje nog eins gezonge haeje ginge we nog eine tied door mit polonaises en fieste. Maak plezeer en bin blej, vastelaovend is wer zoe veurbej.
14 jannuwarie 2011 20:56:56
Ut is now vriedig 14 jan en nao ein e-posje van ozze seitbaas mit de vraog waor blieft ut verslaag vur het daagbook bin ig mig der maar uns efkes veur gaon zitte. Aafgelaupe zatterdig 9 jannuwarie 2011 waas vur mig de litste, de allerlitste kier det ig as prins van de brookhaze op stap ging. Wae ginge nao de liedjesaovend van P&M det georganiseert waas door de Graasvraeters in Kepel. We kwame al oppe tiehd bej de Poorter aan mit 2 busse en versjillende mit de fiets um os winnaars oeht Kunningslus. De HOFKAPEL, te gaon aamoedige. We ware al zoe vreug dao det we os midde vur de bühne koste installere. Ein naodeil waas wel det miene adjodant zeek waas en det ig daarum alles zelf mos regele. Ozze vorst (medaalie) zoe ut wel overneme maar dae hej ut te druk mit kalle. Ondanks det waas ut toog eine hiele sjoene aovend dae aug wir zoe umwaas. (te snel). Det waas dus de litste activiteit as prins Mark de irtse en wil aug bej deze idderein alvast bedanke det ze er same mit mig, Jo en os femilies eine sjoene vastelaovend van hebbe gemakt. Maak plezeer en bin blej, vastelaovend is wir zoe veurbej.....
12 november 2010 20:30:00
Nao un lange pauze ginge wae dit wiekend wir op paad. As irste heije we de resepsie van de graasvraeters mèt eur 44 jaorig bestaon. Ut waas wir effe winne um in vol ornaat te motte aantraeje. maar toen we prins Jeroen en prinses Nicolle einmaol de hangk heije gesjud um eur te felisiteere en ze ein paar carnavalsliedjes heije gedreit en wae ein paar pilskes heije genuttigd kwaam de stumming der wir good in. Leuk um te zeen waas oug wel det der sommige toch wel erg veul dorst hejje en wie we later huurde de zatterdig hielemaol hebbe overgeslaage. De aovend waas dan auch erg gezellig en het waas zoe tied um mit de bus wir truuk te gaon nao cafe de Poorter um mit zien alle de aovend nog eins nao te praote.
15 fibberwarie 2010 00:00:00
Ut geit al snel..Toen ich opstong vanmerge dag ich noch effe en ut is aafgelaupe met Prins te zien.. Alles laag nog in bed toen ik nao miene adJOdant (wel eine gooje trouwens..) ging um same de teikeninge van de Brookhaeskes van de liegere sjoel te gaon bekiehke van de liegere sjoel. Hae leep thoes nog mèt ziene eige mantel rongk (badjas!). William waas al bezig toen we in de Sprunk kwame dus wae waare dur bis snel mèt klaor. Toen nog efkes ein tas koffie um de vurrige aovend te bekalle en nao hoes um os klaor te make veur de kingermiddig. Ut waas nog rustig toen wae in de Sprunk aankwame maar det deurde neet lang. Kingerkriebel waas al bezig um de kinger te vermake en ut is fijn as ze zuus det det die zich zoe good amusere.. Wae haeje gaste oeht Zwede en die vonge ut auch sjoen wie det hej bej os allemaol ging en geit. Naodet wae optraejes heije gehad van os dansende jeugd kos Vorst William de prieswinnaars bekind make en heb ich jeugdprins Remco en prinses Malon de sleutels kinne euverhandige die wae vriedigaovend heije gekrege bej de machtsoverdracht. Op ein gegaeve moment ginge wae mèt zien alle get aete en um os klaor te make um nao de Poorter te gaon. Dao aangekome waas ut in ut begin nog rustig maar dao kwaam snel verangering in en effe later waas de Poorter zoe vol det wae nog neet mier polonaises koste laupe. Ich mot miene buurman Blowie ein kompliment make want hej zat de tent op ziene kop. Ut waas in ein woord: GEWELDIG! Robbie bedankt.. Ongertusse miene adJOdant helpe zeuke nao de septer (sorry rotstreek, hae rende zich de veut onger de kont oeht) en dan steisse dao wèr in eine kringk mit gans Kunningslus um dich heen.. Minse bedankt!!! Ich haoj dao eigelik neet zo van maar ut is wel ein sjoen geveul um dao te staon.. As ze dan ut letste pletje hees gehuurd en doe geis nao hoes vur ein hepke te aete kin ich allein maar zegge.. Ut waas FANTASTISCH!! Bedankt daoveur. 'Maak plezeer en bin bléj, vastelaovend is wer zoe veurbéj!'
14 fibberwarie 2010 00:00:00
Toen ich vanmerge opstong en nao boete keek zoog ik det ut vur de verangering wèr ins hielemaol wit waas. Dus maar wer sniëruume. Toen de kinger ophale en mej helpe det die klaor ware vur de optocht van vandaag. Ut waas lang geleeje maar de ganse femilie deej mej. Iers nao ein van mien tiepmiepe (adJOdant) en dao auch mer effe de stoep sjoen gemakt. Koom ich binne en wat zuus ze??!! Vaere!!.. is hej de koker wer vergaete!! De dames waare ongertusse sjitterend gesjmienkt. Effe thoes aete en umtrikke en rongk 2 oohr nao de optoch toe. Ich hej dit jaor neet veul werk aan “miene” wage gehad. Ut waas volges mig de irste optoch dae in de sjnieë rongktrok en de grotste dej oeihts in Kunningslus hej getrokke. Er ware sjitterende dinge bej maar wat ich persuunlik sjoen vong ware mien kinger die ut toch maar zoemaar aangedurft heije um mej te doon. (Lisa die veuraaf nerveus waas: ich doot noeit mier mèt!!) en auch natuurlik de geweldige kreatie van os vrouwe. En natuurlik die jonge van de A1 die heije eine sjoene wage gemakt, maar wat zoeije ze toch bedoelt hebbe?? Umdet ut zoe kaod waar iers eine tussestop gemakt bej de Poorter, waor miene adJOdant er gelukkig op tiehd achter kwaam det hej ziene septerhaojer waas vergaete!!, ginge wae nao de Brookhazehoeht vur ut optochtbal. Ut fiest begos rustig umdet idderein natuurlik nao hoes mos zig al die dieke kleier oeht te daon, mer daonao leep ut snel vol en op ein gegaeve moment waas de Koeht good vol. De priesoehtreiking waas op ein werme buun mit allemaol blieje winaars en de mottowinnaar waas de Faxclub die op ut letst van de aovend ut volgens mich echt kwiet ware. Daonao woore der nog veul polonaises gelaupe en ging de aovend nog lang door mèt fieste. Toen ut echt laat waor en mien kinger klaor ware mèt werke heb ich tiedelik de macht euver gegeve aan miene adJOdant (dae neet lang bleef vandaag??) en bin ich same mit Rob en dames en kinger nao hoes toe gesjatst… Maak plezeer en bin blej, Vastelaovend is wir zoë verbej
13 fibberwarie 2010 00:00:00
Nao gistere de “macht” te hebbe gekrege mos ich toch vanmerge samen mèt Lisa ut kiepehok sjoenmake. Ich hej mich ut laeve as “Hoogheid” toch get angers veurgestild!!?? Maar gin gekheid. De daag begos lekker rustig. Alles in bèd en zelf mien daagbook effe bejwerke. As irste heije wae vandaag det we in de kantine ginge aete mit idderein dae iets mèt de vereiniging te make hej. Rongk 4 oohr dao um alles klaor te zitte en de verwerming aan te zitte. We ware mèt zon 60 man en vur ut aete hej John Lemmen gezorgd. Der ware der ein paar die heije ur sjoen kinger bej zig, dus mèt de opvolging zit ut auch wel good bej de Brookhaze. Naodet idderein klaor waas mèt aete en wae alles opgeruumd heije (veural mien zuskes Ria en Gertie, bedank!) ginge wae allemaol same ein hangkteske zeuke en toen snel nao hoes um os klaor te make um nao Peter en Thea te gaon. Iers bej Verhaegh ein teske koffie gedronke en in optoch de jasse weg gaon hange. Naodet wae binne ware getrokke kos ut fieste beginne en diejee Blowie (waht's in a name) dreijde dae de aovend good aanein. Naodet William dae wèr truuk waas de aovend hej geopend en ig Peter en Thea ein blumke heij mooge gaeve, heij ich auch nog ein klein atensie vur miene adJOdant. Ein dame woej um helpe det hej neet “alles” vergoot en waas creatief bezig geweest en heij um eine haojer gemakt um miene septer in te staeke. De aovend ging sjoen wier en toen heije wae ein optraeje van Da Ma Zoe. In ein woord: geweldig! Ze makte der ein geweldig fiest van en as ze dan in eine kier midde in eine cirkel steis waas ut zoe sloetingstiehd en kwaam aan eine sjoene aovend ein eind. Maak plezeer en bin blej, vastelaovend is wer zoe veurbej.
12 fibberwarie 2010 18:00:00
Toen de kinger vanmerge verkleid nao sjoel ware kwame adJOdant en Angela bej os ontbijte um te zorge vur eine stevige boom in de boêk zoedet wae good aan dees daag koste beginne. Wae woorte um elf minute over tien verwacht in de “gepimpte” lierarekamer van de sjoel die helaas mer de twidde plaats hej behalt in de widstried “Pimp je personeelskamer”.. Dao iers ein teske koffie en daonao mèt “alle” papa-brookhaze en natuurlik miene knecht en de dames nao de kresj. Binne in de klas zoote alle kleine Brookhaeskes al zeutjes op os te wachte. Nao idderein ein zekske sjieps te hebbe gegaeve hej ich de ier um mèt idderein op de foto te mooge en ze ein fotomedaille van mig te gaeve.. Toen in polonaise op nao de peutergymzaal woe wae ein eurke gezellig mèt de kleintjes hebbe gehost en gedanst en ut leuk is om te zeen wie ze dig mèt ope mongk staon aan te kiehke. Toen nog efkes in ein paar aojere klasse gekeke waor ig van idderein ein hendje kreeg en ein paar sjoen teikeninge. Daonao Lisa en Sem onger de erm gepakt en snel nao hoes um get te aete. Wae waare um 20 euver 1 wer op sjoel um os klaor te make vur de sjoelmiddig. Toen idderein klaor stong in de gooje volgorde kos de optocht in de iezige kaoj beginne. Ut waas “aafgelaeje” druk langs de kangk van de weeg en door de kaoj woort der good doorgelaupe onder muzikale begeleiding van de groets oehtgerukte hofkapel die auch get muejte hej mèt speule. Truuk op sjoel begoste ze mèt optraejes. Van illike groep moogde de winnaars ein optraeje doon en auch de dansmarietjes en sjowdansgroepe. Doe kins zeen det der muzikaal talent genog zit in ut Brookhazeriêhk. As volgende kreege alle kinger ein verrassing en iets te drinke en auch allemaol un sjoen fotomedaille van mich um um de nek te hange. Daonao nog mèt de ganse sjoel polonaises gelaupe en um half veer heije de kinger vakantie en waar de sjoelcarnaval aafgelaupe. Wae ginge nao hoes um os klaor te make vur de machtseuverdracht ’s aoves. Maak plezeer en bin blej, Vastelaovend is wer zoe vurbej!
9 fibberwarie 2010 00:00:00
Mèt al die kiere (auch vreuger) det ig mèt de carnavalsvereiniging op paad waas gewees, waas ig nog noeit in Remunj gewees. Ut Prinsetreffe
Dus vandaag dao haer, same mèt adJOdant, Jacqueline, Angela, Twan, Truus en Rob.
Um 7 oohr bej de Poorter, dao woorte wae opgehald door de Graasvraeters, en zien we de angere Prinse mèt gevolg op goon haale. Mèt zien alle heije we toch un groete bus vol. In Remunj aangekome moste we iers un stukske laupe vurdet we in de Oranjerie ware aangekome, en ut waas zoe kaod det ut auch zien veurdeil haet asse unne mantel um haes. Mèt twie vrouwlu onger de mantel ginge we nao binne. Dao os iers aangemeld en daonao langzaam nao veure toe. Der ware bijna 200 prinse dao en doe zuus dan van alles get, van sjieke pakke tot menkes (prinse) mèt pofbokse. Op un gegaeve moment moste wae nao un studio waor we geintervieuwd woorte, ein medaalie krege, en we ozze spreuk moogde zegge. Det allemaol bejein deurde wel un gans oohr!!! Um oppe buun te moge, moste we nog unne kier in de rij gaon staon. Toen we dan toch aan de beurt ware, waas ut zoe druk, desse niks zoogs as eine haup minse van de achterkangk. Toen toch nog ein paar polonaises gelaupe en waas de aovend alwèr aafgelaupe, en stong de bus op os te wachte. Dus wir ein paar vrouwluu onger de mantel (lekker werm) en op weeg nao hoes. Ut waas toch nog 2 oohr door vur we thoes ware. Al mit al toch unne leuke aovend um us mèt te make. Maak plezeer en bin blej, Vastelaovend is wer zoe vurbej!
8 fibberwarie 2010 00:00:00
Ig dag det wae vandaag nix heije tot ig ein telefoontje kreeg. Of ig zin en tiehd hei um nao ut oehtkome van de sjoelprins en prinses te koome! Drek adJOdant Jo gebeld en dae makde auch drek tiehd. Umdet dae de autosleutels bej zig heij en de auto thoes stong um effe opgehald en um drej oohr same mèt Jacqueline en Angela nao de sjoel. Weem heij gedacht det wae met veer man nog oeit truuk moste nao de liegere sjoel. In de sjoel aangekome moste we nog efkes wachte umdet eine haup kinger nog rongk aan ut renne waare???? Daonao onger ein groet applaus de kleine gimzaal nao binne. Iers woort aafsjied genome van prins Ivo en prinses Denise. Toen kwaam der ein groete does nao binne mèt dao in de neije hierser van 2010. Spraekstal juf Ellen kalde ut sjoen aanein, en toen ut te spannend woort ging de does ope en kwaam oeht de does???? ROOS! Roos oeht de doos? Daonao waas ut tiehd vur de echte hiersers van de sjoel. As irste de raod van elf. Van alle klassen ein paar De prins en prinses waare Joris Moors en Mirthe Peeters. Nao de gebroekelijke resepsie nog un paar rundjes polonaise gelaupe en waas de sjoel oeht, en ginge we nao nog efkes ein paar pletjes allemaol wer nao hoes. Maak plezeer en bin blej, vastelaovend is wer zoe veurbej. ps deze kier waas mien knecht de septer vergaete, woe mot det toch heen......
7 fibberwarie 2010 00:00:00
Vandaag waas al de litste resepsie van os aod gemeinte. Um haluf veer hej ozze adJodant eindelik ut probleem van zien (mien) vaere opgelost, en hae hej ginne stress mier. Mer good det sommige angere (DW) baeter op mien grej litte 2 kier in ein wiekend waas hae ze vergaete (kwiet). Toen idderein bejein waas ginge we op nao de meulestraot nao de Dorper resepsie. De resepsie van Prins Matje 1 En dao waas ut aafgelaaje vol. Nao ut teikene van ut resepsiebook en ein (gewaogt) weurtje van Vorst Wullem, kreeg ich, net wie op illike resepsie, nog un ongersjeiing. Daonao nog efkes dicht opein bejein gestaon en gewach tot de resepsie aafgelaope waas. Naodet Matje hej aafgeslote kos ut fieste beginne. We begoste drek mit um paar polonaises en mochte we probere door de zaal te kome. En dan auch natuurlik det enorme podium op. Mer ut waas dao zoe lieg, det illike kier mien vaere der vanaaf moste. Nao um rundje oppe nek bej miene bodyguard (hej blieft zoe good op mig litte, nou wilt hej zich al in de femilie infiltreere) kwaam der auch nou wèr veul te snel un eind aan de litste boehtedurpse resepsie. Ig mot nog efkes kwiet det die resepsies op zich al eine geweldige tiehd zien, en det allemaol nog vur det de carnaval mot beginne. Nao de Poorter nog efkes mit Sylvia mit gewees en vur de verangering gin eier mer un frietje. Daonao naor hoes, mien door en door nate kleier oeht en nao bid. Maak plezeer en bin blej, vastelaovend is wer zoe vurbej
6 fibberwarie 2010 00:00:00
Vanmerge al op tiehd same mèt Jo ut aete vur mèt carnaval geweest regele en daonao al um 12 oohr nao Vinnel vur ut sjeete van ein pletje vur in de gazet. Ut waas stampdruk in Vinnel (zoeje die allemaol vur os dao zien geweest) en wae moste zeker 15 minute laupe vur wae bej ozze limozine ware aangekoome. Det heije ze prachtig geregeld vur os en zoë koste wae mit alle Prinse van 'oad' Helje en de prinses van Graashook instappe waor wae de sjampanje al op heije veurdet wae vertrokke ware. Dao zitse dan in eine auto van 9 maeter en riedse door de groête winkelstraot van Vinnel. Prachtig asse dan idderein zuus loere waem dao toch in zoe zitte. Maar wae heije auch 6 bodyguards (Prinse van ut vurrig jaor) sjoen in ut pak gestoke die d’r veur zorgde det der neemes bej kos kome. Wae kwame as litste aan en bleeve nog zon 10 minute in de auto zitte. Doe triks dan zoeveul bekieks en zuus de minse dinke wat det toch allemaol is en waem dao toch in zoe zitte. Toen woord vur os de roeje lauper oetgelag en moogde wae oehtstappe en zuusse ze van alle keng de paparazzie-foto’s make (kiek op osse webseit). Tot slot dan auch nag mer ein pletje veur in de gazet, wèr truuk door de vleisstraot, de kinger efkes in de auto en wèr nao hoes..
’s aoves heije wae resepsie van Prins Roy van Beringe. Iers de kinger nao oma gebrach en toen adJOdant Jo mer wèr opgehald (zoe det neet angers um motte zien???) um same nao de Poorter te gaon. Binne aangekome kos idderein zich wèr alles aan en op doon en koste wae vertrikke. Wae ware mèt zoeveul man det ze neet allemaol in de bus koste en det der ein klein buske extra mos rieje. In Beringe aangekome kosse zeen det ze al bej os op de resepsie ware geweest want dae zaal waar auch sjoen versierd. In eine drukke en werme zaal (is missjien ein idee um de vloerverwerming lieger te zitte????) kos nao de oehtgelaupe resepsie ut fieste beginne. Ich mot zegge ut waas wel wir ein veilig geveul mèt os bodyguards in de zaal. Die manne bleeve good in eur rol. Ut waas d’r zoe druk det de polonaises stieds vast leepe. En dan vluugt de aovend um en is ‘t jammer genog zoe veurbej. Toen truuk in Kunningslus waas en bleef ut auch nog keigezellig mede door ozze oethstaekend dreijende PR man. Daonao hej ozze adJOdant idderein oehtgenuddigd vur ein eike en waas ut nog net neet ligt vur wae thoes ware. Ut waas eine sjoene lange daag. Maak plezeer en bin blej, vastelaovend is wir zoë verbej. P.S. Ich waor bijna verlaege toen ich de bus instapte!!!!!!
5 fibberwarie 2010 00:00:00
Nao ein waek oehtgerust te hebbe heije wae vandaag de OJB resepsie van prins Remco , prinses Malon en hofdame Bo.
Wel waas ig dees waek al bej de jônge van de A geweest die eine sjieke waage aan ut bouwe zien.
En dae geit euver ?????
Ig hej neet gedag det dao zo'n hendige jonge tusse zaate!!!!
En natuurlik auch ein fleske beer drinke en bejkalle wie en wat ze allemaal bezig hilt.
Vurdet de resepsie begos ware we wel iers nao de kirk geweest vur de mis van Hay Boots.
Lies, John, Manfred en femilies nog gecondoleerd mèt dit verlees.
Dan snel thoes effe umtrikke en klaor make vur de resepsie.
Ut waas now neet mier in de gymzaal maar in ut “alwir sjitterende “ cafe bej de Sprunk. Nao ein weurdje van Joecxuis.(neemand kos um verstaon, hej baeter zonger microfoon kinne kalle) ginge wae naeve de resepsietaofel en daonao waas de resepsie auch aafgelaupe. As irste koste we nog uns geneete van de danskunste van de dansmarietjes en sjowdansgroepe. Toen de hofkapel klaor waas mit eur muzikaale begeleiding (knap wie ze det kunne) waas ut tiehd vur ut vervolg, waoronger op tiehd unne polonaise en denske. Zoe ein resepsie onger Kunningsluster minse waor idderein good mèt deut is tog auch geweldig en zeker asse zuus det degene waor de resepsie veur is egt aan ut geneete zien. Nao aaflaup tog nog mèt groet gevolg tot in de kleine eurkes nao de poorter en dan nog gezellig get eikes aete. En zoe kwaam aan eine sjoene aovend alwir un eind. Maak plezeer en bin blej, Vastelaovend is wir zoe veurbej.
31 jannuwarie 2010 00:00:00
.
Um half elf ware Jo en Will hej um same mèt ein afvaardiging van de A nog get ballonne op te hange en te versiere. Doe kos zeen det ut vur sommige erg vreug waas. Wie zoe det toch kome?? Daonao effe douche en umtrèkke want ze kome mig al op tiehd hale vur mien eige resepsie. Bijna de ganse femilie waas mèt hiel veul man al van te veure bej os.. Maar good det wae un groet hoes hebbe. Toen ging de bel en adJodant, Angela en Groêtvorst William stonge aan de deur. Sommige vonge det belke trèkke neet leuk en dachte toen: die zulle wae uns mèt schniebel bekogele… Nao un blumke vur Jacqueline trokke wae onger de muzikale begeleiding van os hofkapel en dansmarietjes in unne lange stoet nao de Brookhazekoeht. As irste dao aangekome woorte de jaorlikse pletjes gesjoote vur in ut archief. Same mèt de groête en kleine raod, dansmarietjes, kingerboorebroeloft en de vrouwluuj.. Daonao um elf euver dreej kos de resepsie beginne. Raod van 11, femilies, vereiniginge, collega’s en zelfs oos GANSE straot en nog veul mier. Der kwaam gin eind aan. As ze dan allemaol die weurdjes huurs, spesjaal veur Jo en mig is det echt geweldig um mèt te make. Naodet Vorst William same mèt mig de resepsie aaf hej geslote kos Antonio (COWANSO) beginne mèt pletjes te dreie, waorvan ig mot zegge det hae det oehtstaekend dej. In eine bloodheite Koêht steeg de tempratuur tot ut kookpunt (zoe leek ut). Dae daag vluugt dan jammer genog um. En dan same mèt de anger Prinse op het podium te staon onger ut liedje “Oejt nog ins Prins te zien” is EGT geneete. Maar aug as ut tege de kleine eurkes geit en doe steis dao same mèt Jacqueline, Jo (adJOdant) en Angela midde in eine groête cirkel lekker te sjoenkele, dan is det ein geweldig geveul. Ut waas net wie sommige aod Prinse al zeije, eine GEWELDIGE daag. Dan in ut café (wie kin ut) nog maar efkes verder en daonao mèt wat der nog euver is thoes ein paar eikes eate. Al met al eine sjitterende daag en wat dat betruf kan ich tege idderein allein mer zegge: BEDANKT, en tot wèr ins.
Maak plezeer en bin blej, Vastelaovend is wir zoë verbej
30 jannuwarie 2010 00:00:00
Nao eine merge klusse same mèt groetvorst William en aug ein teske koffie gedronke te hebbe moste we vandaag al vreug aan de bak. Um half 1 moste we al bejein kome in de Sprunk. Wae ginge mèt groet gevolg os opmake vur de irste alternatieve ‘Savelbergrun’. Dit jaor vur ut irst ginge wae te voot nao Savelberg um minse dao op te hale en al rolstool douwend truuk te gaon nao os Brookhazekoeht. Daor heije we de resepsie van naamgenoot prins Mark 1 van de Oelewappers ut waas ein drukke resepsie waor aug mien collega prinsen prins Roy 1 van Beringe en prins Fabian 1 van Egchel aanwezig waare. Nao aaflaup hebbe we nog efkes polonaises gelaupe op muziek van de Britse muziek kapel ‘de Breethaler’. Daornao ginge we nao hoes um os klaor te maken vur de mis.
In de kerk aangekome woorte wae van herte welkom geheite door meneer Pastoor. In de mis woort auch nog efkes stilgestaon bej alle minse die oejt iets vur de vereingiging hebbe gedaon waor ig toch wel efkes aan ozze pap mos dinke. Naodet ig ein weurdje hej gedaon en auch ozze jonge vertegewoordigers van de carnavalsvereiniging sloot ozze GROETVORST (mèt det compliment is hae hiel veriert) de mis op ein nette en gepaste meneer aaf. Waorvan ig mot zegge det dae det toch maar altiehd netjes duit. Tot slot nog efkes ein kupke koffie bej adJOdant Jo waor hae tog wèr eine jagermeiser mos drinke (alcoJOlist??) en toen nao hoes om oeht te ruste vur merge.
Maak plezeer en bin blej, Vastelaovend is wir zoë verbej.
29 jannuwarie 2010 00:00:00
De bekindmaking van de Prins en Prinses van de OJB stong vandaag op ut program. En aug ut oehtkome van ut boorebroedspaar In eine groete zaal trokke wae nao binne same mèt de hofkapel, raod van elf van de OJB en de groete raod. Toen de prins, prinses en hofdame van ut vurrig jaor ware ontdaon van eur spulle koste ze beginne mèt de onthulling. De spraekstalmister stong op de buhn in unne splinternieje overal waorbej hé det allemaol sjoen aan elkaar kalde. De OJB hej de onthulling gedaon mèt behulp van filmkes en ballonne. as irste waas ut de beurt aan Sem (Heesen) en Rik (Bos) um te veurschien te kome as boore broed en broedegom van ut jaor 2010 aug gae nog ins profisiat
Mèt veul man mèt dae achternaam zoe ut dan tog wie miene adJodant zaet bej BOS in de femilie zitte?????? Daonao kwaam prins Remco (Bos), prinses Malon en hofdame Bo teveursjien. Proficiat nog uns. Toen de diskoteek daornao wier ging mèt de stumming derin te kriege en te haoje hebbe wae dur mèt zien alle nog eine keigezellige aovend van gemakt waorbej de jeugd volop meideej mèt polonaises en hosse en springe op de bühne. Maar net as iddere kier kwaam aug nao wèr vul te snel ein eind aan de aovend. Daornao tog nog mer efkes in de cafe blieve hange En dan net wie in het liedje altiehd de lètste det wèr van toepassing waas, waas der wer ein eind gekoome van eine leuke vastelaovesaovend. Maak plezeer en bin blej want de vastelaovend is wèr zoe verbej
24 jannuwarie 2010 00:00:00
Ut waas wel eine erg korte nag geweest toen ig de kinger wèr huurde baljoetere vanmerge. Vandaag stong de resepsie van Prins Rob 1 op ut programma. We kwame bej de Poorter bejein woe de bus al stong te wachte. Idderein dus de bus in en op nao Dok 6. Dur waare al bis veul eige minse dao en wae waare de irste vereiniging die dao waas. Nao alwèr ein sjoen weurtje van Joexcius (woe halt hej ut vanaaf) koste wae de resepsietaofel passeere mèt os ganse gevolg. 't is dan wel sjoen um minse die se al lang neet mier haes gezeen en die dig dan spontaan koome felisiteere um dao effe mèt bej te praote. Op ein gegeve moment is de resepsie aafgelaupe en kin ut fieste beginne. Springe, zinge, danse, hosse en polonaise laupe, is egt sjoen um dao midde in mèt te doon. En auch um te zeen wie dao ein paar “jong Prinse” op det podium te kier gaon. Maar aug as ze dao dan steis en in de zaal kieks en zuusse dao idderein springe en plezeer make. Maar dan is ut wir zoe laat en steit de bus wèr te wachte. Toen bej Gromme aangekoome hebbe we mèt tog nog versjuillende die dur nog neet genog van koste kriege verjillende pilskes gedronke en auch dao waas ut ein sjoen stumming en unne gezellige tiehd. Maak plezeer en bin blej, vastelaovend is wir zoë verbej.
23 jannuwarie 2010 00:00:00
Dees waek begos eigelik al donderdigaovend op de zittinge in Durp. Wae kreege nog kaertjes zonger dao op de meulestraot te hebbe motte euvernachte. En wie ut zich auch huurt kreeg ig as Prins auch goj plaatse. We heije mèt veer man volgus mig de biste plaatse in unne sjitterende zaal op ein sjoen, leuke zitting. Vriedig mos de zaal versiert waere en toen ig smiddigs ging waas der al egt veul gedaon. Daonao un pletje sjeete mèt de femilies en dan thoes effe umtrikke en wèr nao de Sprunk um wier te versiere. Wae waare mèt veul man maar de ideeje vur ut sjoene versiere kwaame tog van ein paar dames. En tot slot natuurlik nog effe get drinke. Wies sloehtingstiehd natuurlijk. Vandaag heije we de bongkte aovend en waas de zaal al vol toen ig same mèt Jo aankwaam. Aug ein veurdeil is asse Prins bis desse neet zoelang van te veure in de rej hoofs te staon vur ein goj plaats diene stool steit dan midde oppe buhn. Volges mig dagte ze det ik det neet wis want ze heije der ein groet naamburdje veur gezat. We zien toen als ierste effe bej de dansmarietjes en showdansgroepe gaon kiehke (det moogse dan aug) as die op gemakt waere. Ig mot zegge ze zage der pragtig oeht en aug de optraejes ware sjitterend um te zeen. Doe kos der aan zeen det ze al mande aan het oefene ware. Toen we binne getokke ware en doe kiehks van bove oeht in de stampvolle zaal dan is det ein pragtig gezig. Ig vong ut dan aug unne geweldige aovend en aan ut lache van de zaal te huure hebbe de miste minse der auch van genoote. En lachende minse is ut sjonste wasse kins huure al gluif ig auch det er ein paar kuu tusse zoote. Nao ut brookhazelied waas de aovend wèr veurbej en zien we in de buizerd nog ein tiedje doorgegaon en daonao nog effe bej Jo thoes. Maak plezeer een bin blej, vastelaovend is wir zoë verbej.
16 jannuwarie 2010 00:00:00
Naodet ut bis laat waas gewoore in de Graashook waas ich toch oppe tiehd op. Kinger neet thoes dus alles op zien gemaak. Ze kome vandaag versiere maar det is vanmiddig pas. As ze dan rongk half 10 Peter van Dijck as ierste zuus van de daag is det toch wel sjrikke. Ein veur ein kome d’r binnedruppele en op ein gegaeve moment liekt ut wel of de kraan ope steit, SJOEN! Ut is nog neet duk zoe druk geweest oppe straot waor ze van os wies bej Jo versiere en ig mot zegge det ze det auch hiel sjoen gedaon hebbe. Bedankt daoveur! As ze dan weg zien nag snel ff nao de Sprunk de jonge van de A aanmoedige, nao hoes douche, umtrikke en klaor make vur nao de resepsie van Prins Fabian van de Kemphaze te gaon. Miene adjOdant vong ut toch te slegt waer en brag os netjes met de auto nao de Poorter, waor de raod wèr met veul man (en aanhang) aanwezig waar um mèt te gaon. In eine sjoen versierde zaal ware we snel genog aan de beurt vur hendjes te sjudde. En daonao kos ut fieste beginne. Ut is eigenlijk pas de twidde daag maar doe raks dao zoe aan gewind um op die bühne te staon. D’r waas goije muziek, minse daeje good mèt, idderein hej gaoje zin; kortum ‘t waas eine sjoene aovend dae auch wer vuls te snel um waas en de bus waar zoe dao. Oppe truukweeg kwaam ig d’r achter det d’r toch nog veul goije zangers zien in Kunningslus. (missjien vur sommige un idee vur de komende liedjesaovend in november) Nao ein paar pilskes te hebben gedronke bej Gromme kwaam aan deze sjoenen daag auch wer un einde Maak plezeer en bin bléj, vastelaovend is wir zoe verbéj.
15 jannuwarie 2010 00:00:00
Vriedig 15 jannuwarie Resepsie Graashook
Vandaag waas de irste aktiviteit . We moogde nao de resepsie in de Graashook. Nao ein waek mèt veul kaarten, tillefoontjes en felicitaties en woensdigaovend same met Jo en femilie, foto’s te hebben gemakt. Waor maar wèr uns bleek det ut vur sommige minse gaar neet zoe mekkelijk is um fatsoenlik op de foto te kome, kwame we um half 9 bejein bej de Poorter. Asse dan zuus det d’r zoeveul van de raod zien en mèt veul aanhang, dan kan ’t bijna neet angers dan unne sjoene aovend waere. Dus same in de bus op nao de irste resepsie van Prins Jeroen en Prinses Nicole. Wae hoofde gelukkig neet mier wie vreuger in de cafe te wachte maar we woorte gehald wie we aan de beurt ware um un hendje te sjudde. Nao un weurdje van William dae zei det mien vrouw tog egt Jacqueline hit, kreege we ein medalie en koste we met os gevolg de resepsietaofel passere. Ut waas druk oppe Graashook en daodoor leep de resepsie un klein bietje oeht. Mer daonao kos ’t fieste tog beginne. Doe hees eigenlijk ginne tiëd um urges angers te praote want doe bis de ganse aovend bezig met polonaise te laupe en op ’t podium te staon woesse dan zuus wie vastelaovendvierders toch sjoen stom kinne doon. Maar helaas dae aovend is dan zoe um en mosse wer truuk in de bus nao ’t Brookhazeriehk. Daonao bej de Poorter hebbe we toch nog un sjoen vervolg gehad en later mit Vorst Wullum (Joexcius) en Karin toch nog ein lekker eike gegaete. Gelukkig hild Karin um in de gate want hae stopt gewoen neet met eier aete. Maak plezeer en bin bléj, vastelaovend is wir zoe verbéj.
11 jannuwarie 2010 19:25:00
Nao twie mandj (4 november waas ut toen William Hendriks oeht lottum belde) en der mèt bijna neemes euver te kinne praote. Waas dan eindelik de daag aangekome det ut prinsebal waas gekoome. Ig waas vreug op 's merges en dan dinkse wel vandaag geit ut gebeure. Vurdet we nao "de Sprunk" ginge iers nog effe bej Jo en Angela koffie drinke en alles doorkalle. In "de Sprunk" aangekome dan huurse sommige zegge wurs doe Prins?? Dan begint ut tog wel un bietje te kriebele. Doe kals dan links en rechts ein bietje en op ein gegaeve moment as Chris en Ron zien aafgetrooje en William zaet we gaon beginne mèt de veurbereiding van de onthulling van de nieje prins dan mos ze oeht de zaal zeen te kome zonger det det eemes opvalt. Dan wie aafgesproke agterum door ein deur snel de trap op zoe det dig auch maar neemes zuut. Dit jaor waas de onthulling zoe gedaon det ig oeht eine hood getoverd zou waere door tovenaar Chris. Dao zitse dan in dae hood, van alles goije ze dig oppe kop, van hasse wies unne sjoon. en unne mantel. En dan eindelijk gaon ze aaftille en kinsse oeht dae hood. Dao stijsse dan in de rauk en in felle lampe en doe zuus hiellemaol ….. NIKS. Naa ut bekint make van miene adjudant en os aangekleid te hebbe en ein weurdje en blumke vur os femilies kin ig de proclamatie veurleze daoano zien we van de buhn aafgegaon vur ein leuke resepsie. Daonao, de femilies waare auch al aangekome koste de polonaises beginne. Zoeas mig versjillende minse die al prins zien geweest auch zeije, geneet dervan. Dan mèt jôngk en aod te hosse en ein preutje te maake is egt keileuk. En ig mot zegge ut waas inins sloehtingstiehd en kos ut liedje oehtvaegerssindroom gedreijd waere. We hebbe toen nog eier geaëte bej os en det dej mig aan ierder dinke wie ig nog bej de raod waas. Det is nog altiehd gezellig en auch door dej sjoene stomme kal dej der dan gedaon wurt. Ut waas unne geweldige irste daag as Prins van de Brookhaze. Maak plezeer en bin blèj, Vastelaovend is wèr zoe verbèj
   
© C.V. de Brookhaze | 2000 - 2018