Ut Motto vur 't seizoen 2018 - 2019 is:  
''Sjitterend

   

Carnavals Zaterdig 


Effkes oetgesloape van de vriedig en kos ut toch neet loate um ffkes un kiekske te goan nemen in kepel bej de bonte boete beleaving. Dus de enige kier det ich undercover in mien carnavalskleijer de deur oeth kos. Toch mer met de auto richting kepel zoedet ich neet de verleiding kreeg um veul te drinken. Ffkes mit de kameruuj bej proate wie die de 1ste daag heije beleafd. En noa optredens van Marleen Rutten, Beppie kraft en Hoondervel wir truuk noar kunningslus. Want der mos gegeate weare. Zaterdigs is ut ut gebroek det de prins en adjudant de vereiniging trakteert op eate, en natuurlijk koste we os hie neet in loate kinne. Jan (de vader van Aron) heat un verke loate slachten en dit noar Slagerij John Philipsen gebrach. Zoedet hea dit vlees verder kos bereiden en kos maken in un saus. Auch de kameruuj heije we oetgenuddigd want als die euveral mit noartoe goan hebbe die det auch wel verdeent. Noadet veur idderein ut eate hej gesmakt (en echt lekker waas). Koste we os kloar goan maken vur de Poorterparty XXL bej Gromme. Verzamelen bej Verhaegh in de loeds, dus koste we ff kieke noar de wagens die doar stonge. Ut berich kwaam det ut gastoptreeje bijna bij gromme zou arriveren. Dus koste we aanloupe noar gromme en binne trikke in de kleine brookhazekoeht. Ut waas al aardig druk aan ut weare toen ze aan werden gekondigd Die Flöckchen!! Direkt vanaaf ut begin kregen ze de stemming der al goad in. Want direct ut 1ste nummer waas al ein van de bekinste nummers. Ze begonne mit ut nummer “Schätzie schenk mir dein Foto” wat hej in Nederland al un bekind nummer is. Vervolgens waas ut un bietje moeilijk vur de hiere um un bekind nummer te zinge mer dat makte niks oeth want we starte gewoen de polonaise in. Deze hiere oet Köln koste natuurlijk ut liedje Kölsche jung neet vergeate. Dit waas ut liedje det op vakantie in Mallorca ouk gedreijd werd, dus deze koste zat aanwezige mitzinge. Als aafsloeter nog eine kier hun bekindste nummer woar ze ouk mit begonne waren um un top optreden aaf te sloete. Toen waas ut de buurt aan Sjots Sjeif en oeth de moat um dit nog un vervolg te geave. Mer det hoafse mer aan de hofkapel over te loate. Die bouwe der nog wel un fiestje van met hun mitzingers. En als aafsloeter waas ut de beurt aan DJ Roelie um de oavend nog aan ein te dreije. En det is hum wel gelukt huur! Um 2 oar waas ut toch echt gedoan en waas ut nog stieds erg druk. Dus we mogen wel concluderen det ut auch wir unne geweldige 2de daag waas.
   
© C.V. de Brookhaze | 2000 - 2019