Ut Motto vur 't seizoen 2018 - 2019 is:  
''Sjitterend

   

Carnavals Mandig

Deze mandig steit met vasteloavend altied in ut teiken van de kinger. De basissjoel jeugd heat de kans gekregen um un kleurplaat te teikene en deze in te leveren op sjoel. Aan miene adjudant en mich de taak um hej van ilke klas de mooiste oet te keeze, de winnaars kriege later op de daag un presentje. Mer det beslissen waas neet zoe mekkelijk als wea heije gedach, der zoate toch hiel get sjoëne teikeningen bej. Noadet we toch de keuzes heije gemak mochten we zo ophangen in de zaal, zoedet de kinger deze s’middigs koste zeen. Effkes noar hoes get eate en kloar maken vur noar de sprunk te goan. Der waas un spectaculair programma in elkaar gezat um deze middig te loate slagen. Der waas un brookhaeskes slagerfestijn gergeld, Dus ig waas erg beniejd wat ich hej van mos verwachten. Ut spits werd aafgebeten door de winnaars van vurrig joar, met hun liedje “brookhaas Alaaf!” Hejnoa kregen de opgegeave 6 groepen um de beurt de kans um hun liedje ten gehuure te bringe. Van kleuters tot aan groep 8, idderein waar vertegenwoordigt op deze middig. Zonger aarzeling kwamen ze de buhne op en probeerde ze allemaol de 1ste pries in de wacht te sleepe. Noadet idderein 2x heur liedje hej gezongen waas ut de beurt aan de jury um te beslissen weem de verdeende winnaar is. In de tussentied werde de winaars bekind gemakt van de kleurwedstried. Iddere klas heij unne winnaar en werde beloond met unne pries. En dan waas ut zowiet woar ze allemoal unne tied veul energie in heije gestoken. Namelijk de winnaar van ut kingerslagerfestijn: “De Podiumbiesjes” ginge der mit de 1ste pries vandoor en mogen un joar lang de eer dragen. Toen waas ut tied vur fiest. Gelukkig bin ik onnog redelijk jonk dus kon ik qua conditie goad mit met de jeugd. Ilke dansje werd op ut podium gedanst en ff gin dansje dan werd der wel unne polonaise ingezat. Umdet de jeugd allemoal zoe goad zien bis heije gedoan deze daag. Heij ik nog un klein presentje vur alle kinger. Un foam buis met led lampjes doarin, de kinger waare nimmer te hoaje en alle energie kwaam los. Zelfs de kleinste heelden ut nog bijna ut langste vol, de oajers woeie noar hoes. Mer de kids waas neet noar hoes te kriege.  
   
© C.V. de Brookhaze | 2000 - 2019