Ut Motto vur 't seizoen 2018 - 2019 is:  
''Sjitterend

   

Welkom op de webseit van CV de Brookhaze!

Pletje Aod Prinse anno 2011

 
   

Gesjiedenis

1923: Alle begin is moeilik....

De irste activiteite van un carnavalsvereiniging kinne wae truukvinge in ut jaor 1923. Graad Lenssen waas de oprichter van un heusse carnavalsvereiniging. Echter door hevig verzit van de ziej van de geistelikheid en de gemeintelikke euverheid kwaam dur al nao ein seizoen un eind aan ut bestaon van dees allerirste carnavalsvereiniging van Kunningslus. Toepasslik woort ut eind bezegeld door ut verbrande van un pop ("de Prins") in ut centrum van ut dörp.

15 Fibberwarie 1957

'Lormans Piet' waas degene dae ut intiatief noom. Umdet hae en inkele angere jongeluuj ut mer niks vonge det dur ginne carnaval woort geviert in Kunningslus, vroog hae G. van Hensberg hejveur umdet deze as veurmalig zuidlimburger der wel iets miër vanaaf zoe weite. Al gauw ging van Hensberg saame mét de hiere P.Thijssen, S. Berkers en P. Keijsers bej elkaar zitte in café juliana. De commissie (ut irste bestuur) woort gevormd en versjillende minse woorte direkt benaderd um un raod van elluf te vorme en zoë tot oprichting van un carnavalsvereniging te koome. Op 15 fibberwarie ontstonge dao-oeht "de Brookhaze": unne naam dae woort gekooze umdet dur in " 't Brook" nogal wat Haaze zoote. zoedoende waas de samehang nao natuur, landsjap en biëste snel gelach en de naam al gauw un feit. Daags durnao teikende men de oprichtingsakte bej de gemeinte Helje.

In die daag kosse neet kalle euver ut keeze van unne prins. Tege Piet Kurvers woort dan auch "gewoen" gezag: 'Doe mos Prins waere'. Zoe gezag zoe gedaon en pas un paar daag vur de "vastenaovend" waas de irste prins oehtgezoch. In die daag mos idderein nog ilke daag nao de kirk. Um neet op te valle ging P. Kurvers tiedes de hoegmis zelluf op de motor nao Vinnel en Velden um ut kostuum en de mantel op te hale. consternasie wie bleek det neemus get van de prinsemuts aaf wos. Der woort snel gebelt nao Kunningslus woe gelukkig bleek det Hub van Nisselroy ('de Kapper') al vur de muts hej gezorgt. Hae besprook vort idder jaor ut kostuum vur de prins. Mevr. van Hensberg zorgde vur de heur van de mutsen, natuurlik mos de vereiniging klein beginne, daarum hele die slappe mutsen ut in ut begin mer net drej daag vol. Toch kos zoë op dae middig de allerirste prins in "de Koeht" café Juliana onthult waere.

de Seitbaas

   
© C.V. de Brookhaze | 2000 - 2018