Ut Motto vur 't seizoen 2018 - 2019 is:  
''Sjitterend

   

Welkom op de webseit van CV de Brookhaze!

Pletje Aod Prinse anno 2011

 
   

 

Peter de twidde (Verhaegh)
2006
Toen vorst William mich belde of ich prins woei weare sjrok ich dao toch wel van. Ich hej noeits gedach detse mich zoeie vraoge as prins.

Dao hoofde ich neet lang over nao te dinke. Allein om dit neet van te veure bekint te make is toch wel lastig, zeker asse ein wiekend mèt de faxclub wiggeis. Eindelik waas ut dan zowiet. Nao ut aftraeje vam prins Danny en ziene adjudant Peter begos de onthulling. Dao kwaam eine abraham naor ut podium en vorst William begos dae van allerlei vraoge te stille. En toen kos ich nao bove as prins Peter den 2e. Naodet ich miene adjudant Hans bekint hej gemak en ut veurlaeze van de proclamasie begos de spontane reseptie. En daonao begos ut fies tot laat in de aovend/nach. Eine geweldige happening. Umdet ich al jaore in de raod zoot, wis ich wel zo'n bietje wat mich te wachte stong. Toch beleefse ut as prins ziende gans angers. Dit is auch moeilik te besjrieve, dit mosse belaeve. Alle resepties van de zustervereinigingen, de eige resepties en ut carnaval zelluf. Ut waas ein groete belevenis en auch ein aparte belevenis. Want ut overleije van os mam kwaam aan as eine mokerslaag. Naodet se al zoeveul dinge hej euverleeft. Maar same mèt ozze pap, de femilie, de kamereuj, de carnavalsvereiniging en alle brookhaze hebbe wae der toch eine sjoene vastelaovend van kinne make. En dan eindig ich mit miene spreuk: Jonk en aod, groët of klein, mit vastelaovend drej daag bejein

   
© C.V. de Brookhaze | 2000 - 2019