Ut Motto vur 't seizoen 2019 - 2020 is:  
''Mot det

   
ma di wo do vr za zo
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
   

2016 Chris de twidde (Lemmen)

Vandaag de resepsie van zustervereiniging Egchel, naodet Manon en ich uns heerlik oeht hebbe geslaope (wat wel nuddig waas nao unne geweldige aovend) kwame we bej Gromme bejein woenao we wir mit de bus op woorte gehald, wae nao Egchel toe, dao in de zaal effe un preutje make mit de angere hiersers en tussedoor effe un hendje sjudde, naodet de resepsie aaf waas gesloote hebbe wae dur mit zien alle un super sjiek fiesje van gemakt, un paar pletjes woedet de raod en de kammereuj geweldig mitdeeje waas ut wer tiehd um truuk te gaon, woenao we nog un lekker pilske bej Gromme hebbe gedronke um un geweldig wiekend aaf te sloehte!!!

"As wagebouwer aan de top, dit jaor as prins veurop"
Nao un kort nachtje stonge de kammereuj vanmerge um 9.00 alwer vur de deur miene adjudant stan en ich zien nog ff snel nao de bekker gereeje um un paar lekkere vlaaje te hale, um die daonao mit un lekker bekske koffie te nuttige, toen zien ze begos mit versiere wat toch wel un hiel klus bleek te zien (ondanks det wae neet zonne groete veurtuin hebbe) maar ut resultaat bij mich en miene adjudant Stan moog dur dan aug echt zien!!! Ut zuut der GEWELDIG oeht, Bedankt allemaol!!! (wilt gae ut zeen, kom effe un blukske um via Kunningslus-Zuid)
Tussedoor hebbe wae nog effe un heerlik teske soep mit unne heerlikke hamburger gegaete. Toen ze oehteindelijk klaor waare hebbe wae nog effe snel inkaupe gedaon vur vannacht en de lokasie (bedankt Leon en Els!!!!) gepoetst, toen nao hoes nog ff op bid gelaege maar mosde mig alwer klaor gaon make veur ut p&m liedjesfestival.
We kwame oppe tiehd bej gromme bej elkaar, dao effe get drinke en toen de bus in, Wae heije de dubbeldekker en dae zoot zoe good as vol!! Wat un sjoen iets, desse as z'n relatief klein durpke mit zoeveul man op paad geis um miene adjudant Stan en de rest van ALLES KIPS aan te gaon moedige! Toen we in Kessel-Eik aankwame, hebbe we un plaetske inne zaal gezoch woenao t ging beginne, naodet de straum un paar kier oeht waas gevalle waas os eige ALLES KIPS aan de beurt, wae mit alleman nao veur um ze flink aan te moedige, wat ein geweldig optraeje waar ut!! Toen de litste artieste waare gewees hebbe we d'r nog un flink fiesje van gemakt, unne haup polonaises gelaupe, nog mit un aantal mede hiersers oeht Piel en Maas gekalt woenao de priesoehtreiking begos, ALLES KIPS woort helaas bej zoewel de presentatiepries as bij ut lindebumke 4e, maar vurr os waart gae de nummer 1!! Naodet al ut offisjeele aaf waar hebbe wae dr mit alle hiersers nog un geweldig fiestje van gemakt, polonaise, podium ut waar unne GEWELDIGE aovend, toen waar út wer tiehd um truuk te gaon, wae hebbe we bej Gromme nog un aantal pilskes gedronke, en toen hae ut laat genog vong zien wae mit un aantal nao Leon en Els gegaon (die heje hun eier-aetruumte besjikbaar gestild zoedet wae neet te ver hoove te fietse, woeveur nogmaals HARTELIJK DANK!!)  dao nog un paar lekkere eikes van ozze eierboor Koch gegaete woenao wae snel nao hoes zien gefietst en snel nao bid zien gegaon, wae (Stan, Manon en ich) waare aan de pin! Maar ut is ut allemaol waert!! Merge nao Egchel, dan zeen we os dao!!

"As wagebouwer aan de top, dit jaor as prins veurop"
Zoewe, nao un waek lang allein mer leuke en positieve reaksies en berichte (woeveur allemaol hertelijk dank!!) heije we vandaag de irste receptie, en wel oppe Graashook bij de graasvraeters. We kwame bij Gromme bejein en hebbe os dao iers effe wat gedronke, woenao we de bus in ginge, ik vong ut toch wel un bietje spanned, ut is immers de irste kier desse dien mede hiersers zuus, toen we de zaal binne kwaame heb ich drek uns un rundje gemakt langs un paar mede hiersers! En ik mot zegge det ut un paar sjoene kaerels beijein zien.
Toen mochte we langs de receptietaofel woa ozze vorst un sjoen preutje kloarheij(gedeiltelijk in ut ABN, wat m neat geweldig aafhing zoedet dr toch in t dialect verder is gegaon) en un hendje gaeve aan Job en zien prinses Joy, doanoa nog ff rustig un pilske/wat fris(joa det is mit dees daag aaf en toe toch wel hiel lekker) gedronke totdet de receptie aaf waas. Vorst luuk slaot de receptie en ut fiest kos beginne, metein un hiel aantal polonaises en wat door de zaal op renne verder hebbe we doanoa unne flinke tied oppe buhne gestoan, werkelijk wat un fiest is t toch asse dien eige raod veur de buhne flink mit dich mit zuus fieste!! Geweldig doanoa nog un paar kier op de sjouwers de zaal ronk gegaon en toen ging t alwer op t einde aan, nog un paar nummerkes die dj michel veur os brookhaze heat gedreijt en toen mosde we toch egt goan, wea de bus in en truuk noa gromme, doa nog un paar pilskes gedronke en toen snel noa bid toe, de kammereuj stonge vanmerge um 9.00 alwer veur de deur um te versiere!!!

"As wagebouwer aan de top, dit jaor as prins veurop"

22 oktober woort ich om half 11 ’s merges oeht bid gebeld, ich zoot namelijk nog in de ziektewet dus kos oehtslaope wat ich woei. William belde met de vraog of we unne wage zoeie bouwe dit jaor. Ich zei, jao det is wel de bedoeling, allein neet zoe oehtgebreid wie angere jaore. Stiekem veulde ich de bui al aankomme maar wis nog stieds niks zeker. Nao get onneuzel gekalt te hebbe met mekaar, kwaam dao eindelijk de vraog: ‘Dit jaor wille we dich eigelik op unne angere wage zette’. Ich mich nog get van de domme haoje en vroog of ze ginne chauffeur haije. ‘Nae, nae’ zaete naodet hae hel hej gelache, ‘dit jaor wille we dich d’r bovenop zitte’. Ondanks det ich de vraog un klein bietje verwach hej sjrok ich toch waal ein bietje toen ze daadwerkelijk gestild werd. Aug wis ich neet gans of ut wel met mien kneen zoei gaon, aangezeen ich net 4 waeke daoveur waas geopereerd. Ich kwaam der nog op turuk waar mien antwoort. ’s Aoves bin ich nao Manon toe gegaon en heb heur aug ut niejs vertild. Die waas met stomheid geslaage en gluifde mich 3 oohr later nog neet gans. ’s Aoves hebbe we met William gebeld, ich zei de ich ut deej, maar det ik iers nog met de fysio mos euverlegge of ich met carnaval alwir get kos of neet. Dit heb ich op slinkse wieze gevraogd dao, of ich met de carnaval un dansje achter de wage kos doon, aangezeen we det idder jaor normaal doon. Det waar gen probleem zeije. Toen kwaam ut volgende, weem wurd der adjudant? Heij hebbe we neet al te lang over nao hoove dinke en al gauw kwaam de beslissing, Stan Vissers mos ut waere. Gelukkig zei hae jao! De tiehd tot aan ut prinsebal ging oehteindelik hiel snel veurbej. Mede umdet ze mich nog weinig verdachte. Stan en Rens dao in tege ginge veul vaker in ut rond. Det goof mich get ruumte om hun flink get op te jenne. Op de daag zelf heb ich gewoen nog get aan de wage gewerkt. Dit goof un goj aafleiding. Oehteindelijk waar ut dan toch tiehd om nao de Sprunk te gaon. Dao aangekome begoste de zenuwe toch wel get te kriebele. Naodet ze de kaarte oehtgedeild heije inne zaal, woorte de gaele en greune kaarte nao achter geroope. De gaele ginge eendjes visse veur ‘aanwiezinge’, want neemes wis of dees aug wel klopte. De greune kwame achter un papere moor te staon met un bouwlamp der achter. Hej woorte ein veur ein de Haas gesjoote. Toen ut 10de schot gelost waar moch ich dan eindelijk nao veure springe door de paapere moor. Eindelijk nimmer zwiege! Nao ut bekint make van miene adjudant, Stan, hebbe wej os snel umgekleijd en kos nao ut offisjeele gedeilte eindelijk ut fiest losbarste. De ganse femilie kwaam langs en aug de aojers en vrienden van Manon. We hebbe ut nog lang gezellig gehad en aafgeslote met un eike bej Wim inne Sprunk, want ja, nao de Loeee fietse met idderein waar toch get te wiet.
 
‘As wagebouwer aan de top, dit jaor as prins veurop’ ‘Alaaf’!
   
© C.V. de Brookhaze | 2000 - 2019