Ut Motto vur 't seizoen 2019 - 2020 is:  
''Mot det

   
ma di wo do vr za zo
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
   

2016 Chris de twidde (Lemmen)

Vandaag un paar dinge op ut programma, vanmerge iers un interview mit p&m tv, daonao nao ut werk um un foto te make veur in un tuinbouwvakblaad, toen effe wat gegaete en nao de fysio gegaon, woenao ich mich nog effe op de bank te ruste heb gelag. Naodet ich un powernepke hej gehad mig klaorgemakt um nao Remunj te gaon veur ut prinsetreffe. Wae zien bej Nick G bejein gekoome umdet ozze kleine koeht gesloote waas, maar wae vertrokke aevegood vanoeht Gromme. Naodet we in de bus waare gestapt woe de Graashook al in zoot zien we nao dorp gereje woe we effe hebbe motte wachte op de prins, adjudant en alles wat mitging, toen we ze dao bejeinheije zien we doorgereeje nao Egchel woe ze dit kier de Prins zelf kwiet ware (dit ipv de mantel/scepter/steek). Toen ze um eindelijk gevonge heije zien we aangereeje, in Remunj aangekomme bej de Oranjerie hebbe  wae os aangemeld en toen de zaal in um wat te drinke en te wachte tot we ut podium op moogde komme. Mer wae heije aug un sjoen nummer op un bledje gekrege um foto's mit un paar bavaria babes te maake wat we dan aug tussedoor gedaon hebbe. Toen wae ut podium op moogde hebbe we un sjieke ongersjeiing gekrege en krege we nog un optraeje woedoor we nog wat polonaises op de buhne gelaupe hebbe. Toen wer truuk de zaal in en nog wat gefiest mit un super optraeje van Spik en Span!! Op ut litst hebbe we nog mit os prinse die der ware oppe buhne gestaon woenao we mit zien alle wer nao de bus zien gelaupe um truuk te gaon.

"As wagebouwer aan de top, dit jaor as prins veurop"

Vandaag zien Manon Stan en ich (mit un paar femilieleeje nao Kessel-Eik gegaon um dao eure prins Rob 3e te felisiteere, aangezeen ein van zien adjudante (Richard) de vriend van mien nicht is,  hebbe wae eur gefelisiteert en toen wer snel nao Gromme toe um nao de litste resepsie van aod Helje in Helje durp te gaon. We kwame as irste zustervereiniging aan in de zoeskoel, wae os un sjoen plekske oehtgezoch en wat te drinke gepakt. Toen we nao veure woorte gerope hebbe we os opgestilt en haet William prins Barry en adjudant Yvo toegesproke woenao wae ze hebbe gefelisiteert en ich un ongersjeiing van Barry kreeg. Naodet wae os plaats wer ingenoome heije keek ich us wat veur un sjoen ongersjeiing ich heij gekrege, kiek ik oppe achterkangk sjrik ich mich dao toch effe, steit dao 2015 op de achterkangk..... Ich det netjes aan idderein laote zeen kumpt William aan, hae mos der aug ontzettend mit lache, en hae det mit de angere vorste overlag, mos ich daonao mit de Beringse Kuus mitgaon, dus ze snapde der al neet veul van totdet ze ut oeht heije gelach. Maar ik zoej nog de goije kriege... Al heb ik dae nog stieds neet ontvange..... Maar we hebbe der nog un sjoen en heit fiest van gemaakt. Mit genog polonaises en genog op de buhne gestaon te hebbe woort ut toch tiehd um wer truuk te gaon, woenao we bej Gromme nog un aantal pilskes hebbe gedronke en toen maar op hoes aan zien gegaon.

"As wagebouwer aan de top, dit jaor as prins veurop"


Naodet wae thoes nog wat van de H.Mis heije naogenote kwame we bej Gromme bej elkaar um nao beer-inge te gaon, toen we aankwame zien we de zaal in gegaon um alvast wat te drinke, naodet we nao veure woorte gerope hebbe we Bertje(jao ut is Bertje, we heije namelik zien geboorteakte gevonge) gefelisiteert. Toen idderein gewees waar hebbe we der nog in super fiesje gemakt mit un hiel aantal polonaises, en un hiel deil nummers oppe buhne. Toen ut wer laat genog waar heje wae de bus wer truuk woenao we nog wat bij Gromme hebbe gedronke totdet hae ut laat genog vong, toen hebbe we os bejein gepakt en zien nog mit un aantal nao os eieraet lokasie (fem Pouwels) gegaon um dao nog un paar eikes(Ron P waar dao super good in!!) en un aantal hamburgers  gegaete woenao wae ut aug laat genog vonge en aug maar nao hoes zien gegaon.

"As wagebouwer aan de top, dit jaor as prins veurop"

Vanmiddig woorte we in Vinnel verwacht um dao mit alle prinse de prinsefoto vur de krant te make. Wae ware zoeas aafgesprooke netjes oppe tiehd bej ozze vorst um dao iers nog effe un bekske koffie te drinke, nao wat geouwehoerd te hebbe pakte we os bij elkaar um te gaon, wae mit alle nao boete zeije we det de vorst de auto maar effe oope mos make, dan hoofde we neet in de raegen te staon mit alles, begint dae wat te lache, wat miene auto zaette, ik zoej rieje maar mit ugge auto... Det waar un communicatiefoutje bliekbaar, naodet os pap en mam miene auto heije gebrach koste we oehteindelik dan toch gaon, wae kwame in de stad aan woedet wae in de Maaspoort woorte opgewacht, wae os aangemeld en toen de angere aod Heljese mer effe opgezoch en un pilsje mit eur gedronke, toen de foto make, die hebbe we binne in de Maaspoort gemakt in plaats van vur ut stadhoes aangezeen ut vul te slecht waer waas. Daonao nog effe un kroegje in gegaon en nog wat gedronke. Toen waas ut wir tiehd um truuk te gaon veur de Heilige Mis, wae os iers nog ff snel un bruudje gegaete en toen de auto in truuk nao Kunningslus. Dao aangekomme zien we nao de kirk gegaon veur de Heilige Mis, koome we dao aan steit de parkeerplaats hielemaol vol, de belle luudde aug al, dus wae kiehke os versjrikt aan of we neet te laat zien, dus William rent gauw nao de kirk toe kumt der gelukkig mit unne lach op zien gezich truuk, we zien nog op tiehd. Dus wae os rustig klaor gemakt en de rest van de minse en de raod kwame aug binne. We hebbe mit zien alle plaats genome woenao det kapelaon Roger Maanen de Mmis begos, hae heij un hiele sjieke mis veurbereid wao de jeugprinses en prins, en ut boorebroedspaar en ichzelf allemaol un stukske aan hebbe bejgedrage door wat te vertille. Hae makte der op un hiele leuke manier un sjoene mis van, sommige ginge zelfs ff truuk nao ozze bonkte aovend, woe brother John op un geweldige manier de mis veurbej leet komme. Nao de mis zien we snel nao hoes gegaon um os klaor te make veur de resepsie van os zustervereiniging beer-inge

"As wagebouwer aan de top, dit jaor as prins veurop"

Vanaovend de resepsie van ozze eige jeugdprins (Quinten) en prinses (Sem), naodet wae effe in de zaal get te drinke heije gepakt trokke wae mit de raod binne, de seremoniemister van vanaovend, Nick Giesen, kondigde os aan woenao ozze vorst un leuk preutje euver Quinten, Sem en eur aojers hej, toen hebbe we de hendjes gesjud en kreeg ich un ongersjeiing van eur. Naodet idderein gewees waar woort de resepsie gesloote en hebbe wae der nog un super fiesje van gemakt, en mit un sjoen optraeje van Coen Janssen is det aug zeker gelukt. Naodet de tiehd um waas en nog mit un paar super sjoen liedjes as aafsloehter hebbe we un super sjoene resepsie gehad!! Naodet idderein wig waas zien we nog un biertje bij Gromme gaon drinke.

"As wagebouwer aan de top, dit jaor as prins veurop"

   
© C.V. de Brookhaze | 2000 - 2019