Ut Motto vur 't seizoen 2019 - 2020 is:  
''Mot det

   
ma di wo do vr za zo
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
   

2017 Derk de irste Verhaegh

Nao de geweldige recepsie van Prins Joeri waar ’t smerges behuurlik vreug toen de wikker um 8 oohr ging. Um 8.30 zoeij Adjudanton alwir bej mich zien um bij Bekkerie Teun un vlaai op te gaon hale die we vur niks gekrege hebbe. Auch hebbe we dao nog get mier mitgebracht want um 9 oohr mos der koffie met vlaai zien veur de kammereuj en de versierploog van de Brookhaze.
Toen wae truuk kwame stonge die al vur de deur te wachte. Die ware aan ut wachte op de ker met greij der op. Toen kwaam ozze pap bij os de straot inrieje met de groete ker. Dao loog mich een joekel van een bord op wat ozze groep Judas nog efkes in elkaar gezat heije in een waek tiehd. Geweldig en super sjiek um te zeen!
Toen hebbe we mer iers un tas koffie met vlaai gehad. De Kuuzevlaai van de bekker smakte erg good, en neet allein umdet die veur niks waas.
Toen mer aan de slaag, de kammereuj versiere en ich mos nog ef gauw un stopcontact boehte bejmake want aangers heij ich dao ginne straum um de verlichting in te staeke. Tussedoor kwame der auch nog minse naeve um nog efkes persoenlijk te felisiteere en te komen kiehke. Van miene twidde groep Tjilip heb ich nog een euverlaevingspakket gekrege, danke daoveur!
Um 12.45 ware wae klaor en precies op tied om efkes bij pap en mam achter in de kantine soep mit un brudje knakworst te aete. As der hel gewirkt wurt kriegse auch groete honger.
Nao get gegaete te hebbe ginge we mit zien alle nao Anton toe. Auch dao kwaam un groet bord te staon. Auch dao is ’t super sjiek gewore, en ’t is nou in ’t dörp euverduudelik weem der prins en adjudant zien gewoore. Judas bedankt daoveur! Daonao hebben we beej Anton thoes nog un tas koffie gedronke. Toen wer truuk nao hoes toe, efkes bij mich thoes de verlichting nog aafwirke. Toen die einmaal klaor waar woeije wae eigelik nog efkes oppe bank gaon ligge mer ’t waar al zoe laat det det neet mier de meujte waar. Toen mer get gegaete en os wer klaormake vur de volgende resepsie. Dae van Bas I van ’t Kemphazerïehk.

Tiën jaor bej de raod waas sjoën, mer deze vastelaovend wurt boetegewoën! Alaaf!
Vriedigaovend 27 jannuwarie stong de irste resepsie op ’t program. Dae van Prins Joeri I van os zustervereiniging CV de Graasvraeters. Un bietje nerveus waar ich toen ich thoes kwaam van ’t werk. Dit woort namelik de irste ontmoeting mit mien medehiersers van ‘Aod Helje’. Um de spanning un bietje wig te wirke en umdet de hongk toch nog oehtgelaote mos waere bin ich toen ich thoes kwaam mer irst un stuk gaon renne mit de hongk. Gans door ’t Brook en Kunningslus in de frisse wink kos ich hiel efkes tot rust kome. Ongerweeg kwaam ich ozze veurzitter Ralf en ozze vorst William nog tege. Daonao gauw aete bej Mam en Pap en toen mich klaormake vur de irste resepsie.
Al good oppe tiehd stong adjudAnton al veur de deur, wae koste natuurlijk neet te laat kome veur de irste resepsie. Nog effe gauw same geproost en un fles beer gedronke en toen richting Café de Poorter waor wae beejein moste kome. Dao aangekome kwame wae os irste verrassing teege. Dao zoote de kammereuj mit un sjiek t-shirt aan waor wae op staon en unne sjoene brosj. Kei gaaf!
En natuurlik auch de femilie die meijgaon nao de resepsie(s), kei sjiek.
Auch heije wae 2 ekstra raodsleeje dae aovend. Moniek en Lucie ginge os vergezelle mit dees resepsie umdet die mit de dinsteveiling die dinst bemachtigd heije.
Toen hebbe wae os greij bejein gepakt en nog un paar glaze gedronke veurdet de bus kwaam richting ’t Graasvraetersriehk.
Einmaol dao aangekome de mantel um en de steek mit vaere op koste wae via de zijkangk nao binne. Toen wae binne waare bej Leanzo, woort ut wir efkes spannend. Want de miste Prinse waare al binne en ich ging now kennismaake. Det ging allemaol hiel good en ut klikte geliek mit iddere prins. Naodet wae efkes gekald heije woorte wae nao veur geroope um Joeri de 1e te felisiteere same mit zien vriendin en Brookhaas Lisa Bos. Auch kreeg ich dao mien irste ongersjeiing. Ich woort wel nog getipt door miene adjudAnton det as ich un medalie kreeg de volgende kier det ich dan neet direct mot gaon kalle en hendjes gaeve want dae heij nog neet de kans gekreege um mich de steek wir recht op de kop te zitte. Naodet alle vereiniginge hendjes gesjud heije kreeg Joeri nog efkes ’t woord en sprook idderein nog toe die nao zien resepsie ware gekome en det wae der mit zien alle un knalfiëst van zoeije gaon make! En un knalfiest waar ‘t. Polonaises en op de bühne mit alle prinse en mit Prins Joeri veurop en alle vereiniginge en minse. Kei gaaf en sjiek en nou al un belaefenis dae ich noeits gaon vergaete. Auch kei sjiek um te zeen wiedet idderein meijduit en geniet van alles wat dao gebeurd. Jammer genog ging de oavend alwir wiet te snel vurbej. Ich mocht op un gegaeve moment nog ein polonaise laupe vurdet wae de bus inmoste um wir truuk te gaon nao ’t Brookhazeriëhk. Naodet ich de prinse gedaag heij gezag en in ’t biezonger natuurlijk Joeri En auch Lisa, ’t waar echt un topfiëst!
Einmaol truuk beej Gromme hebbe wae nog get gedronke en naogekald euver de irste resepsie. Toen nao hoes want um 9 oohr zoeije de kammereuj wir oppe stoep staon un te versiere. Ut waas in idder geval veur mich unne super sjieke belaeving en ut beloofd nog get vur de rest van de Vastelaovend.

Tiën jaor bej de raod waas sjoën, mer deze vastelaovend wurt boetegewoën!
Op 6-11-2016 ronk un oor of 9 ging de tillefoon. Ut waas ozze Vorst William. Ich pakte niks vermoedend det dink op en William vroog of ich ’t druk heij de komende tiehd, want unne collega van um mos thoes get straum aangelag hebbe. Hiel serieus goof ich antwoord: ‘ja wannier mot det precies zien want ich heb ‘t de komende tiehd nogal druk’. Willem begos te lache en zei toen det hae mich eigelijk belde um mich te vraoge um de neije hierser van de Brookhaze te waere. Nou dao hoofde ich natuurlijk neet lang euver nao te dinke. Ich keek Nathalie auch de hiele tiehd aan en die heij auch unne greins van oer tot oer dus die hoofde ich det neet ins te vraoge en t anwoord waar natuurlijk jao. Willem vroog auch of ich noa woeij dinke euver waem miene Adjudant mos waere. Ich zeij: ‘Willem det kin der mer eine zien, det is Anton. Wae zien beide same al 10 jaor bij de raod en dus zoeij det super sjiek zien as wae det same zoeije kinne doon in os 11e jaor”. Nao een tiedje get gekald te hebbe ging Willem Anton auch vraoge. En uiteraard zei dae auch geliek jao. En toen begos ’t ergste, ’t zwiege en t leege tege alles en idderein. Eigelijk bin ich dao gaar neet zoe good in, dus det waar veur mich een echte oehtdaging. Veural bej os mam heij ich ’t zwaor.
Auch ’t stiekeme aafspraeke waar hiel sjiek um te doon. ’t Pak passe, de steek oehtzeuke, de foto’s
make en ’t ein en anger door spraeke mit Ralf en William zien dinger um noeits mier te vergaete. Auch petje aaf veur miene kammeraod, dae thoes auch veur heite veure haet gestaon. Regelmatig hebbe wae auch efkes gebeld, kinse toch nog efkes dien ei kwiet wat soms echt hiel belangriek is.
Toen de onthulling stieds dichter bij kwaam werd ’t auch stieds lastiger. Idderein geit raoije en gisse waem det de neije hierser van de Brookhaze geit waere, en miene naam werd al enkele jaore genumd mer ’t leek nog noeits zoe duk as dit jaor. De letste paar daag ware auch echt erg, met de vergadering van ’t WJCB waordet Ilona en Linda ’t mich wer hiel lastig maakte.
Mer ich heb ut doorstaon. Eindelijk waar ut dan zoewiet, zonnig 22 januari. Ich waar wel nerveus mer heij get aafleiding umdet ik mich in ut begin bezig kos haoje mit de jeugdonthulling.Ierst zien de hiersers van de Brookhaeskes bekind gemakt, jeugdprins Stan I, jeugdprinses Eefje I en ut kingerboorebroedspaar Sanne en Valentijn. Sjoen um te zeen wie die d’r van geniete en wie trots det ze zien.
Toen begos ut, de onthulling. Vanoet un sjoen plaetske in de zaal bekeek ich miene veurganger, dae een spectaculaire goocheltruc oetveurde. Dao stong die kist op de buhne, ich wist natuurlijk det miene kammeraod Nick Giesen dao in zoot en det hae mich bekind gin make. De spanning werd opgebouwd en toen waar ut hoege woord d’r oet; prins Derk I! eindelijk mocht idderein ut weite! Wat een geweldig geveul. Ich mocht ut podium op en dao makte ich bekind det miene kammeraod Anton Eggers miene adjudant is. Van top tot tien aangekleijd kwame we truuk en mocht ik mien proclamatie veurlaeze. Ut fiest kos beginne! Hup de polonaise in en de ierste felicitaties in ontvangst neme. Inmiddels waar auch de familie van Anton en Nathalie binnen. Super sjiek det idderein kwaam um d’r same mit os unne sjoene aovend van te make. En um de aovend aaf te sloete zien wea mit un delegatie nog eikes gaon aete beej os thoes aan de boulevard. Dao werd nog get naogekald en veural door un paar gesjote. Ich heij de xbox aangezwingelt en det veel good in de smaak beej bepaalde persoene, die snappe allein neet desse teamgenote neet aaf mos sjeete. En mit eikes aete heije wae nog unne ware chef in hoes dae d’r un kunstwerk van makte op t brudje. ’t smakte auch nog super!
Wae hebbe d’r in idder geval hiel erg van genote. Daarum wil ik ich gaer idderein bedanke dae in de zaal waar, veur en auch achter de sjerme. Mede dankzij uch hebbe wae een geweldige irste aovend belaefd!
Komend wiekend stoan alwer de irste resepsies op de agenda en dao kiek ich erg nao oet! Mer komende waek geniete wae nog ff nao van de boetegewoëne aovend aafgelaupe zonnig.
Tiën jaor bej de raod waas sjoën, mer deze vastelaovend wurt boetegewoën! Alaaf!
   
© C.V. de Brookhaze | 2000 - 2019