ma di wo do vr za zo
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
   

2015 Frank de twidde (Schers)

Iets euver 12 reje mien broor, Sylvia en ich richting Vinnel um dao op de foto te gaon met alle prinse oeht dees regio. Aangezeen ut parkere neet godkaup is dao heije we de auto bej ut Valuas geparkeerd; det waas gratis. Naodeil waas wel det we dan un stukske moste laupe mer det vong ich hielemaol neet erg. Leuke reaksies kriegse dan onger ut laupe nao ’t stadhoes. Naodet we os heije ingesjreve kreeg ich nummer 9 en toen we os op moste stille vur de foto waas ich dur same mit Bart van Egchel as de kiepe bej. Ich heij un plaetske in ut midde te pakke. Toen de foto waas genome heb ich nag ff un prutje gemakt mit miene Venlose collega Rogier 1e van de VG de Vogelehut. Is toch interessant um te huure wie angere prinse ut belaeve en wat die allemaol motte doon. Nag ff un paar pletjes gesjote mit de prinse van ‘Helje’ en toen café d’n dorstigen haen in. Dao hebbe we dur un paar gedronke en rongk kwart vur veer zien we nao hoes gereje. Klaor make vur de resepsie van Prins Rob 1e van de Beringse Kuus.
 Tot slot, sloeht ich aaf mit miene spreuk:
 “Gaef gaas, remme los, vastelaovend is vur uch en vur ós!”
 ALAAF!
Op deze daag ginge wae op bezeuk op de resepsie van jeugdprins Jesse 1e en jeugdprinses Royce 1e.
Naodet ich aafgelaupe zonnig zelf un geweldige resepsie heij gehad woort dit vandaag vur Jesse en Royce ein van de hoegtepunte in eur laeve.
Wat un fiëst! Auch die weite wat gaas gaeve beteikent!
Toen we al behuurlik wat polonaises heije gelaupe woort ut nummer van de Breurkes, mosse kieke, gedreijd. Ich zal ut gezicht van Royce noeits mier vergaete wie die zoog det de Breurkes ‘live’ de zaal in kwame gelaupe in eur fel roeije pekskes ha ha.
De Breurkes zorgde vur un geweldige stumming in de Sprunk en vur detse ut dan wits is ut 11 oohr en kwaam dur un einde aan dees jeugdresepsie. Nao hoes en nao bid want op zatterdigmiddig moste wae nao Vinnel um op de foto te gaon mit alle prinsen van dees regio.
 Tot slot, sloeht ich aaf mit miene spreuk:
 “Gaef gaas, remme los, vastelaovend is vur uch en vur ós!”
 ALAAF!
Van de OJB oeht heije ze os gevraogd of wae de woensdigaovend bej de Kids aanwezig woeije zien. Netuurlik deje we det. Edwin en ich mer auch prins Jesse en prinses Royce ware heij aanwezig. Wae woorte verdeild euver 4 groepe en we moste ontzettend moeilijke vraoge beantwoorde. Tussendoor krege we auch nog een doe-opdracht; we moste mit unne ballon tusse de bein polonaise laupe en dae moogde neet knappe. Naodet we nag unne snoepzak heije oeht gereikt aan ut bist verkleijde maedje en de bist verkleide jong zien we nao hoes gegaon en hebbe os de burgerkleijer aangedaon vur un wirkbezeuk aan VC Ongekind.
Ongeluifelik wat die jonges en maedjes doon um mit un fantastische wagen door de straote van Piel en Maas te trikke. Groehte pluim!
Naodet we in de pauze same un biertje heije gedronke ginge we um 10 oohr wir nao hoes.
 Tot slot, sloeht ich aaf mit miene spreuk:
 “Gaef gaas, remme los, vastelaovend is vur uch en vur ós!”
 ALAAF!
Naodet ich smergus de ontvangen kado’s van de resepsie heij opgehald moogde Edwin en ich smiddigs bej de onthulling aanwezig zien van de sjoelprins en sjoelprinses. Extra leuk waas det ozze Niek mos ‘aaftakele’ umdet dae in 2014 sjoelprins waas geweest. Un waar opsporingsteam van juffen ging op zeuk nao de neje sjoelprins en sjoelprinses. Oehteindelik heije ze degene gevonge dae de sleutel van de poort achterover heij gedrukt; de neije sjoelprins is Stan van de Berg en de neije sjoelprinses is Doortje Deijkers. Toen die oeht ware woort dur nag un resepsie gehaoje en daonao hebbe we nog polonaise gelaupe. ’s Aoves heij ich nach bestuursvergadering en ut waas mich neet gelukt um drek nao hoes te gaon. Aafpilse neume ze det.
 Tot slot, sloeht ich aaf mit miene spreuk:
 “Gaef gaas, remme los, vastelaovend is vur uch en vur ós!”
 ALAAF!
Naodet ich zonnig tot half tien heij oehtgeslaope kreeg ik un appje van mien broor. Offe mich ff kos belle? Ich appde jao det kin. Hae woeij nag wat dinge doorspraeke en wat ballonne ophange zoedet ut dur mit ut aafhale fleurig oeht zoog.
Ich heij al van veul aod prinse begrepe det dit ein van de sjonste daag in dien laeve is mer doe hees toch neet echt un idee wat dich te wachte steit; doe mos ut mitmake! Um 13.15 oohr ware we bej de Sprunk um wat foto’s te make. Ich vong ut hiël sjoen det ozze pap (Jan 1e oeht 1981) auch oppe tiehd dao waas en daorum koste we get unieke pletjes sjete die gae waarsjienlik al op gezichtebook (weurd van Udo Koch) vurbej hebt zeen kome. Naodet de fotosessie klaor waas ging ich nao hoes umdet ze os rongk 14.15 oohr op kwame hale. Ich waas net van de WC aaf (litste zenuwe) en toen woort dur al aangebeld. Ozze Niek dae vong ut bliekbaar auch hiël spannend en dae heij de veurdeur al ope gemakt. Toen kwame Sylvia en ich aangelaupe en krege wae un blumke aangeboje van Edjudant en Ilona. Mien broor dae zei nag det ut unne geweldig zoej gaon waere (waor heij ich det al ierder gehuurd ha ha)
Aangekome bej de Sprunk lupse door unne haag nao binne van allemaol joelende minse en dan geit ut beginne. De resepsie heet gedeurd tot ongevier half zes mer ich heb ut belaefd as un oohr. Sjoen um te zeen weem oos allemaol kwaam felisitere.
Doe verwachs netuurlik minse mer dao zien auch minse die se neet verwachs en det makt ut wel hiel spesjaal. Ut waas in ein woord geweldig! Naodet ich de resepsie mit unne korte speech heij aafgeslote kos ut fiëst losbarste. Polonaise, polonaise polonaise; podium op mit die angere Heljese prinse; doe hees ginne tiehd um mit minse te kalle en det ving ich wel jammer mer dao kinse gewoen niks aan doon. Naodet de zustervereinigingen ware vertrokke woort ut netuurlik get minder druk en dan kumpt de saamhorigheid van un klein durpke zoe-as Kunningslus. Ich zal uch iets onbetaalbaars vertille wasse allein as prins mit maks. Niek kwaam huulend bej Sylvia en mich. Hae mos huule want hae heij un viltje in ut aug gekrege. Ich pakde Niek op dun erm en leep ut podium op; nao 10 seconden kreeg ut menke un smile van oehr tot oehr; ff later kwame auch die angere kinger, same mit Sylvia, Ilona en Edwin op ut podium en det is wat ich bedoel; onbetaalbaar. Ut fiest ging nag ff door en dan kumpt ut moment desse mit Sylvia, Edjudant en Ilona en de kinger in ut midde van de kringk kumps te staon. Det guft dich un fantasties geveul wat ich hej neet zoe ein twieje drej kin umsjrieve.
Naodet DJ Blowie en DJ Pieter ut litste nummerke heije gedreijd zien we nag tot un oohr of twelluf in de Buizerd blieve hange en toen zien we bej os eikes gaon aete. Um twieje oohr snachts ginge Sylvia en ich mit un lekker geveul slaope. Gelukkig heij ich mandig de ganse daag vrej.
Ut volgende verslaag in mien daagbook zal zien van de resepsie van jeugdprins Jesse 1e en jeugdprinses Royce 1e.
 Tot slot, sloeht ich aaf mit miene spreuk:
 “Gaef gaas, remme los, vastelaovend is vur uch en vur ós!”
 ALAAF!
   
© C.V. de Brookhaze | 2000 - 2019