ma di wo do vr za zo
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
   

Dao goof ich volmondig JAO op! William vroog of euverlek mit de vrouw neet nuddig waar, mer Els haet altiehd gezag, asse dich oeits vraoge, gewoën jao zegge, dus zoe gezag zoe gedaon. De volgende vraog waas natuurlik waem miene adjudant zoej motte waere.
Auch hej hoofde ich neet euver nao te dinke, want det mos as vanzelfspraekend Emiel Verhaegh zien. Det kwaam vur ozze Vors dus auch neet as un verrassing.
Toen os gesprek aaf waas zaet Willum, nou gangk mer van de schrik bekome en drink dich same mit de vrouw mer un lekker fleske beer um ut te vieren. Det waas auch ut irste wat we toen gedaon hebbe.
 
Toen is de tiehd van ut lange zwiege begos...
 
De volgende drej lange daag zoot ich vol spanning nao het tillefoongesprek mit ozze Vors.
Zoej Emiel wel jao zegge en wat zoej Linda der van zegge. Haet Wullem um auch al gebeld of nog neet?
Mer zonnig 11/11 kwaam eindelik ut verlossende woord der oeht. Miene adjudant hej toegezag!
In de waeke die d’r op volgde werd: de steek oeht gezog, de pakke gepast en woorte d’r foto's gemakt waor wae same veul plezeer aan hebbe gehad.  Wae ware d’r 4 waeke vur de vastelaovend dan auch hielemaol klaor veur.
 
Kerst ging vurbej en alles kwaam stiëds dichterbej.
De verdinkinge woorte grotter en ut veur werd os aan de sjeene gelag.. Hè Udo en Nick!
Linda heel der ganse theorieë op nao, wat idderein van de wiês brach. Det haet mich duk oeht benarde situaties gered!
 
Ut wiekend van ut prinsebal werd mich ut veur aan de sjeene nog get opgestookt.
Reageerse te veul op de brookhaze-app dan bisse verdach, reageerse te weinig dan hielemaol. Auch heel ut de gemoedere bezig in Kunningslus, wat de traditie zoej zien die verbroke zoej weare dit joar……. want det hej William toch ech gezag op de radio.
Zonnis mit ut prinsebal waas ich mien zenuwe allang neet miër de baas. Prompt belt Willum um 14.00 oohr mit de vraog, Enne kaerel wie geit ut?  Vanaaf toen waas ut hopeloos..
Um half veer waas ut dan eindelik zoe wiêth, op naor de Brookhazekoeht!
Vur de litste kier dit jaor in de roeije jas, wachtend op ut aaftraeje van miene veurganger Prins Rob 1e. Natuurlik deurde ut naor miene zin veul te lang!
Mer nao Rob zien toelaoting bej de aod Prinse waas ut dan toch eindelik zoe wiêth.
Mit un paar man werde wae oeht de zaal gehald en naor ut fanfarehok gedirigeerd. Die paar wiste net get iërder dan de res, waem de 57e hiërser van de Brookhaze zoej waere.
De irste spanning waas d’r van mer ut groëte moment mos nog nog kome.
Un geweldige blacklight show werd oehtgeveurd en op ut hoëgtepunt reep ozze Vors:
En de 57e hiërser van de Brookhaze is Prins Leon 1e . Dao stong ich dan eindelik vol trots en in vol ornaat op de bühne. Mien kammereuj vol verrassing en ich waas eindelik van mien zenuwe aaf! Zelf moch ich Emiel as miene adjudant veurstille aan gans Kunningslus. De dames werde auch naor bove gerope en ut offisjiële gedilte kos beginne.

Nao de buskes bloome vur de dames, en de ongersjeiing vur miene adjudant ginge wae wier mit de proklamasie. Nao deze veurgelaeze te hebbe reste os nog ein officiële taak: Ut trekke van de winnende naam van ut prinseraoije. Det woord auch nog ins beej toeval Dorothé Verhaegh. Zie sjonk ut geld aan ut goije doel namelik de nejbouw van de kantine van de voetbalclub.

Daornao waas ut tiehd um de tradisie te gaon verbraeke. Veurhaer ontstong nao ut oethkome van de prins un spontane resepsie. Ich heb same mit miene Adjudant euverlag en wae hebbe beslote det wae drek wille gaon knalle!!!

DJ Blowie zat ut irste polonaisenummer, Vandaag van W-Dreej in, en de irste polonaise waas un feit. Ut waas auch zeker neet de letste. Same mit uch hebbe wae d’r un geweldig fiëst van gemakt. Idderein deej super mit os mej en ich hoop det dit un veurbode is vur de vastelaovend. Auch zoog ich de gronk nog unne kiër doën bej kome wie inmiddels aod Prins Rob 1e mich oppe nek hej gehad. Dae mot nog get oefene mit de landing mer toch waas ut geweldig.

Ich hoop det idderein de aankomende waeke zich net zoe geit gaeve as aafgelaupe zonnig. Dan kumt ut zeker good.

Mit dees daag zet ich de tracktor in de sjop,
Deze vastelaovend gaon ich veurop   ALAAF!!!!!

   
© C.V. de Brookhaze | 2000 - 2019