ma di wo do vr za zo
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
   

Het waas Klokslaag twelf oohr toen wae bej de daagopvang nao binne leepe, dao heije ze net heur neije Prinses Grada 1e oehtgeroope. Ich kreeg same mit miene Emieldant un sjoen ongersjeiïng van de Prinses en natuurlik kreeg zie auch un ongersjeiïng van de Brookhaze.  Wae ginge same in de polonaise nao ut cafe toe in de Brookhazekoeht en dao krege wae un lekker aetentje aangeboje names de daagopvang. Wae begoste mit un lekker tomatensuupke en daonao krege wae lekkere booremoos stamp mit braodworst en als toetje krege wae vanile pudding mit slaagroum.  Wae heije de boêk good vol en heje lekker gegaete en gezellig geklasioneerd. Efkes same oehtbuike en ôs veurbereide vur de volgende aktiviteit ut sjoelcarnaval in de Brookhazekoeht.
Um half twië begos ut volgende programma de zaal waar good gevuld mit kinger, aojers , opa’s en oma’s en sjoeljuffe en alle Hiërsers van dit jaor ôs jeugdprinse duo en het sjoelprinsepaar en wae natuurlik . Wae krege un sjoen programma van buute, poppedanse, showdanse en ingestudeerde denskes en liedjes te zeen. En onger ein van deze optraejes kreeg ich efkes kans um de SjoelPrins Mike 1e en Prinses Britt 1e un ongersjeiïng te overhandige in de orde van de Brookhaze. Nao ut offisjiële gedeilte waas der pauze wao det idderein un lekker zekske sjieps kreeg en un lekker glaas drinke en un ongersjeiïng kreeg van mich waas het tiëhd um de gaon fiëste, wae hebbe der same nog un gezellige en geslaagde middig van gemakt.
Um kwart euver veer wer snel door nao ut volgende efkes get gaon aete( jao alwer aete), same mit Els, Linda en miene Emieldant. De aet en un tas koffie op ginge wae um kwart euver viëf richting de Kleine Koeht vur ut vertrik nao de Machtseuverdracht . De bus reej via  unne sjoene umweeg nao ut gemeintehôes toe. In Kepel aangekome ginge wae os opstille vur de optocht nao de Heuf toe wao det de machteuverdracht ging plaatsvinge, oeht ôs Brookhazeriëhk heije wae de Hofkapel mitgenome en de Dansmarietjes en natuurlik de ganse Brookhaze femilie.  Bej de heuf binne snel de jas ophange en toen de zaal in, ich hej net mien irste glaas beer op en toen woord ich al ut podium opgerope vur ut Groete Peel en Maas spel, wat det in heel wist ich auch nog neet mer ich heb mich laote verrasse. Iddere Prins en Prinses mos toen wae oppe buun stonge unne bal pakke en det waar unne roeje of un gaele bal. Toen idderein unne bal hej werde wae opgedeild in twië groepe en krege wae individuele en gezamelike vraoge. Als ze twië individuele vraoge good hejs dan kreegs ze de sleutel, de irste vraog die ich kreeg: wie hit de aojere middig van de Brookhaze, ja des neet zoe moeilik det is natuurlik Plezeer op Maot. De Twidde vraog waar: wie hit het traject wao det Kunningslust vur gekoze heet mit de neije  Rotonde, ja wie môs ich det nou wete, det heat toch niks mit vastelaovend te make, mer gelukkig kreeg ich hulp van Robert Janssen en dao slingerde het antwoord heen, en vur emus dae ut nou neet wit het is ut SLINGERTRAJECT,  ( ich zal het noeit mier vergaete).  Mer ich kreeg dan toch de sleutel en de sleutels van de jeugdhiërsers. Daonao krege wae un programma mit artieste, mit Big Bennie, Zoëmérzoë, Elke Hermans mit heure dans, de Breurkes, en de Dames van Egchel en als klap op de vuurpiël heje os Dansmarietjes gevraogd of det auch op mochte traeje. Het waas unne super gezellige aovend in de Heuf . Um 10 oor ging de bus wer truuk nao het Brookhazeriëhk en in de kleine Koeht hebbe wae nog gezellig un fiëstje gebouwd. Laot de Vastelaovend mer beginne!
Prins Leon 1e
Mit dees daag zet ich de tractor in de sjop, deze vastelaovend gaon ich veurop!

   
© C.V. de Brookhaze | 2000 - 2019