ma di wo do vr za zo
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
   

Nao de pauze mochte alle deilnemers nog unne kiër optraeje en aan idderein laote zeen det ze echt talent hebbe. Toen idderein vur de twidde kiër waas geweest, waas het de zwaore taak aan de jury um oeht dees geweldige optraejes unne winnaar oeht te keze.  Toen de priësoehtreiking  bijna ging beginne, werd de spanning iërst nog wat opgebouwd door de prieze van de sjonste teikening bekind te make. Bej de krésj ginge de gebroeders Heijenen mit de irste priës aan de haal. Bej groep 1&2 waas Daan Joosten de winnaar, Bej Groep 3&4 waas det Niek Schers.
Toen de prieze vur de bist verkleide van de middig bej de meadjes waas det Famke Engels en bej de jongens waas det Robin Boots.  Toen reep ozze  Vorst alle dames van de dansmarietjes en de showdans groepe oppe buun, en kreeg ich van William de microfoon, want ich hej un kleine verassing vur dees dames. Umdet die altiehd en euveral mit mich mit zien geweest, vonge wae, Els, Emiel, Linda en Ich det dees dames dao wel bedankt vur mochte waere en daarum hebbe wae ze allemaol un ruuske gegaeve as dank vur alle geweldige optraejes.
Ut moment waar eindelik dao um de winnaar bekind te make, alle deilnemers krege un sjoen medalie van mich en unne lekkere zak snoep. De spanning waas zeer hoeg en toen de Wisselbeker van de kingerliedjesmiddig  (beschikbaar gestild door Los Kamerados) der bej kwaam ,ging de spanning nog verder umhôeg, toen kwaam eindeluk het hôege woord der oeht en de Brookblumkes ginge der mit de irste priës vandoor.  Nao de priësoehtreiking hebbe wae der same mit de jeugd nog unne gezellige middig van gemakt.

Poorterparty deil 2
Efkes get gegaete tussedoor, en toen wer door nao de volgende aktiviteit. Ut twidde bezeuk aan de Kleine Koeht. Toen wae dao binne trokke waas het nog neet gek druk, maar wie later det ut woort werd het stieds drukker in de kleine Koeht, en det kwaam de gezelligheid allein maar ten goede.  De eine polonaise volgde de anger op en auch sjoenkele gebeurde regelmaotig.  Het waas super gezellig en der woord zelfs van de kruk aaf gedoke door sommige dames, (werde natuurlik wel opgevange).  Het waas echt unne aovend vur jôngk en aod um te geniete. Ich heb auch versjillende blajer mit kleine glaeskes veurbej zeen kome, en dan Snaps ze ut wel.
Het fiëst ging door tot in de kleine uurtjes, onger muzikale aanveuring van DJ Blowie.  Gromme zelf woej auch nog get huure en Belde efkes , mer als de Bel bej Gromme geit motte wae der allemaol unne drinke, Peter nog bedankt. En mit deze slote wae de aovend aaf!
Prins Leon 1e
Mit dees daag zet ich de tractor in de sjop, deze vastelaovend gaon ich veurop!

   
© C.V. de Brookhaze | 2000 - 2019